Бо вуҷуди болоравии андозаи боҷи гумрукӣ охири соли равон, воридоти мошинҳои сабукрав ба Тоҷикистон дар ҳоли афзоиши босуръат қарор дорад.
Семоҳаи аввали соли ҷорӣ ба Тоҷикистон ба маблағи 36,6 млн. доллар 4 ҳазору 511 адад воситаҳои нақлиёти сабукрав ворид карда шудааст, хабар доданд ба “Азия-Плюс” аз Хадамоти гумруки назди ҳукумати ҷумҳурӣ.
Дар Хадамоти гумрук қайд карданд, ки дар муқоиса бо семоҳаи аввали соли 2018 воридоти мошинҳои сабукрав ба ҷумҳурӣ 1 ҳазору 633 адад ё худ ба маблағи 14,4 млн. доллар зиёд шудааст.
Яъне шумори автомашинаҳои воридшуда нисбат ба ҳамин давраи соли гузашта қариб ба андозаи 57% афзудааст.
Таъкид шуд, ки аз охири соли гузашта аз воридоти воситаи нақлиёти сабукрав дар ҳаҷми 10% аз арзиши гумрукиаш боҷи гумрукӣ ситонида мешавад.
Тибқи маълумоти Хадамот, то ин дам боҷи воридотӣ ба автомобилҳое, аз вақти истеҳсолашон 5 сол муҳлат нагузаштааст, 5% ва ба автомобилҳои вақти истеҳсолашон зиёдтар аз 5 сол 7%-ро ташкил медод.
Зикр шуд, ки дар доираи уҳдадориҳои кишвар назди Созмони ҷаҳонии тиҷорат моҳи ноябри соли гузашта ҳаҷми боҷи воридотӣ боло бурда шуд.
Ҳамчунин аз воридоти автомашинаҳои сабукрав ба Тоҷикистон дар ҳаҷми 10% аз арзиши гумрукии он андози аксизӣ ситонида мешавад.
Ғайр аз ин, зимни ворид кардани воситаи нақлиёт ба кишвар дар ҳаҷми 18% аз гардиши андозбандишуда андоз аз арзиши иловашуда ситонида мешавад.
Мувофиқи қонунгузории амалкунандаи ҷумҳурӣ, таъкид доштанд дар Хадамоти гумрук, методи асосии муайян кардани арзиши гумрукии молу маҳсулот метод оид ба баҳогузории муомилот бо маҳсулоти воридотӣ мебошад.
Бино ба маълумоти Хадамоти гумрук, ба Тоҷикистон автомашинаҳои сабукрав асосан аз кишварҳои Назди Балтика, Олмон, Амороти Муттаҳидаи Араб ва Кореяи Ҷанубӣ ворид карда мешаванд.
Ба Тоҷикистон асосан автомашинаҳои тамғаҳои Opel, Mercedes-Bens, Hyundai, Toyota, Lada оварда мешаванд. Ҳамчунин ахиран воридоти мошинҳои тамғаҳои KIA, BMW, Skoda, Ravon низ зиёд мешавад.
Ёдрас мекунем, ки аввали соли ҷорӣ бо қарори ҳукумати Тоҷикистон воридоти воситаҳои нақлиёти автомобилии истеҳсолашон то соли 2005 манъ шуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 15 нафар барои қасди ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста