Дар иҷлосияи Маҷлиси намояндагони Маҷлиси Олии ҶТ созишнома дар бораи аз ҷониби Чин ба Тоҷикистон ҷудо шудани кумаки бебозгашт дар ҳаҷми ҳудуди 360 млн. доллар тасдиқ шуд.
Вазири рушди иқтисод ва савдои Тоҷикистон Неъматулло Ҳикматуллозода ба вакилон хабар дод, ки ин санадро ҳукуматҳои ҳар ду кишвар 15-уми июни соли 2019 зимни сафари давлатии раиси Чин Си Ҷинпин ба Душанбе имзо карданд.
Ӯ гуфт, ки роҳбари Чин нияти кишварашро пиромуни ба Тоҷикистон ҷудо кардани кумаки бебозгашт ба маблағи 2,5 млрд. юан (ҳудуди 360 млн. доллар) дар доираи созишномаҳои ҳамкории техникиву иқтисодӣ дар солҳои 2018-2020 ҳанӯз соли 2017 зимни сафари раисҷумҳури Тоҷикистон Эмомалӣ Раҳмон ба Пекин эълом дошта буд.
Ба гуфтаи вазир, маблағи дастрасшуда ба корҳои таъмиру навсозии роҳҳои мошингард дар шаҳрҳои Бохтару Кӯлоб, ҳамчунин қитъаи роҳи Душанбе – Кулма ва дигар мақсадҳо равона карда мешаванд.
Таъкид шуд, ки барои татбиқи марҳилаи сеюми лоиҳаи таъмиру таҷдиди роҳҳо дар шаҳрҳои Бохтар ва Кӯлоб аз гранти Чин 227,9 млн. юан (35 млн. доллар) ҷудо мешавад.
Вазир дар бораи чӣ миқдор маблағ равона кардан ба корҳои таъмиру таҷдиди қитъаҳои калидии марҳилаи дуюми лоиҳаи сохтмони роҳи автомобилгард Душанбе – Кулма саҳеҳ маълумот надод.
Ҳамчунин зикр нашуд, зери мафҳуми мақсадҳои дигар, ки қисмате аз кумаки бебозгашти молиявии Чин ба онҳо ҷудо мешавад, чӣ дар назар дошта шудааст.
Бино ба маълумоти қаблии Вазорати нақлиёти Тоҷикистон, гуфтушунид дар бораи дастрасӣ ба гранти Чин барои таъмиру таҷдиди қитъаи роҳ аз Қалъаи Хумб то сарҳади ноҳияи Рӯшон ҷараён дорад. Ин қитъаи роҳи мошингарди Душанбе – Кулма яке аз душвортарин дониста мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Кулли ахбор
Авторизуйтесь, пожалуйста