Ҳаҷми қарзи берунаи Тоҷикистон давоми нуҳ моҳи соли равон 34 млн. доллар кам шуд.
Тибқи маълумоти пешакии Вазорати молия, ба ҳолати 1-уми октябри соли ҷорӣ ҳаҷми қарзи хориҷии ҷумҳурӣ 2 млрд. 890 млн. долларро ташкил дод. Аввали сол ин рақам 2 млрд. 924 млн. долларро ташкил дода, ба 38,9%-и ҳаҷми Маҷмӯи маҳсулоти дохилӣ баробар буд.
Дар сохтори қарзи хориҷии кишвар ба аввали семоҳаи охири соли ҷорӣ 95% (2 млрд. 748 млн. доллараш)-ро қарзи бевоситаи давлатӣ ташкил медиҳад, ки барои иҷрои хизматрасониҳои ҳукумат ҷалб шудааст.
Тобистони соли ҷорӣ вазири молияи Тоҷикистон Файзиддин Қаҳҳорзода зимни нишасти хабарӣ дар Душанбе изҳор дошт, ки “дар соли минбаъдаи молиявӣ (солҳои 2019-2020) мо бештар ба ҷалби грантҳо манфиатдорем, то ки ҳаҷми қарзҳо зиёд нашавад”.
Ҳаҷми қарзҳо бо кафолати давлат 63,8 млн. доллар ва қарзи корхонаҳои давлатӣ, ки кафолати ҳукуматро надоранд, 31,5 млн. долларро ташкил медиҳад.
Боқимонда 46,1 млн. доллар дар ҳаҷми умумӣ қарзҳои Бонки миллии Тоҷикистон назди Хазинаи байнулмилалии асъор (39,1 млн. доллар), Чин (4 млн. доллар) ва Бонки осиёии рушд (3 млн. доллар) мебошад.
Аз ҷумла, Тоҷикистон ба Эксимбонки Чин (беш аз 2,1 млн. доллар), Бонки ҷаҳонӣ (310 млн. доллар), Бонки осиёии рушд (270 млн. доллар), Бонки исломии рушд (129 млн. доллар) ва дигар қарздиҳандагони дуҷониба ва бисёрҷониба қарздор аст.
Ҳамчунин ҳиссаи назаррас дар ҳаҷми умумии қарзи хориҷии кишвар ба қоғазҳои қиматноки давлатӣ (евробондҳо) рост меояд, ки ба маблағи 500 млн. доллар дар бозорҳои байнулмилалӣ фурӯхта шуданд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста