Раёсати гумруки вилояти Хатлон ба 3 мошин себи истеҳсоли Покистон ба хотири пешгирӣ аз коронавирус иҷозаи вуруд ба Тоҷикистонро надод.
Дар ин бора Зафар Маҳмадиев, сардори Раёсати гумрук дар вилояти Хатлон 6-уми феврал дар нишасти матбуотӣ хабар дод.
“Ҳафтаи гузашта мошинҳои себ аз Покистон тариқи хоки Афғонистон омада, мехостанд, аз гузаргоҳи сарҳадии Панҷи поёни ноҳияи Ҷайҳун вориди Тоҷикистон шаванд. Дар асоси супориши Ҳукумати ҶТ ба хотири пешгирӣ аз бемории коронавирус ба ин мошинҳои боркаш иҷозаи вуруд надода, онҳоро бозпас ба кишвари истеҳсолкунанда фиристодем”, - гуфт Маҳмадалиев.
Аммо ӯ шарҳ надод, ки дар ин 3 мошин чанд тонна себ буд ва кадом ширкат мехост онро ворид кунад.
Вай афзуд, ҳарчанд хуруҷи бемории коронавирус дар Чин бошад ҳам, ба хотири эҳтиёт воридоти мевагӣ аз хориҷ манъ шудааст.
“Барои мевагӣ ва дигар маводи хурокворӣ мувофиқи қоида бояд аз қабл иҷозаи ворид карданро гирифт ва баъдан маҳсулотро овард. Соҳибкороне, ки мехостанд ин 3 мошин себро биёранд, ҳанӯз моҳи ноябри соли гузашта иҷозаи воридотро гирифта буданд. Аз чӣ бошад, ки масъалаи оварданаш тӯл кашид ва дар ин байн мушкили бемории коронавирус пайдо шуд. Бинобар ин, мо иҷозаи воридоташро надодем”, - илова кард сардори Раёсати гумруки Хатлон.
Ба қавли ӯ, дар соли 2019 ҳамагӣ як ҳолати бозпасгардонии маҳсулоти ғизоӣ ба қайд гирифта шудааст. “Аз Покистон як миқдори муайян гӯшт мехостанд ворид кунанд, вале ба хотири ҷавобгӯйи талабот набуданаш, мо онро бозпас гардонидем”, - гуфт Маҳмадиев.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста