Рӯзи 26 май зимни вебинар дар мавзӯи “Транзити байнулмилалӣ ва боркашонӣ дар шароити паҳншавии COVID-19” сардори Раёсати нақлиёти заминии Вазорати нақлиёти Тоҷикистон Фаррух Неъматзода изҳор дошт, ки айни замон дар сарҳади Тоҷикистон барои боркашонии байнулмилалӣ танҳо 7 гузаргоҳ амал мекунад.
Чорабинии мазкур аз ҷониби Бонки аврупоии таҷдиду рушд дар ҳамдастӣ бо Иттифоқи машваратчиёни касбии Тоҷикистон ташкил карда шуд.
Аз ҷумла, се нуқта дар сарҳади Тоҷикистону Ӯзбекистон, дуто - дар сарҳади Тоҷикистону Қирғизистон ва яктогӣ дар сарҳади Тоҷикистону Афғонистон ва Тоҷикистону Чин фаъолият доранд.
Намояндаи Вазорати нақлиёт қайд кард, ки бар асари вазъияти ҳозираи вобаста ба коронавирус фаъолияти постгоҳи назоратӣ (Қулма) дар марзи Тоҷикистону Чин ҳанӯз аввали моҳи апрел қатъ гардида буд.
Ба гуфтаи ӯ, фаъолияти ин нуқтаи гузаргоҳи сарҳадӣ аввали моҳи майи ҳамин сол барқарор карда шуд.
Аммо, таъкид дошт ӯ, бо пешниҳоди Чин ин постгоҳ танҳо барои боркашонии контейнерҳо корашро барқарор намуд.
“Ин ҳолат то ба эътидол омадани вазъи вобаста ба пандемияи коронавирус амал мекунад, - гуфт Неъматзода.
Номбурда зикр кард, ки айни замон ҷониби Чин масъалаи гузаштани борро аз постгоҳи “Қулма”бо усули ивази ядак (притесп) ё нимядак (полупритсеп) баррасӣ дорад.
Яъне, шарҳ дод ӯ, ядаки Чин борро то сарҳад оварда, сипас он ба ядаки ватанӣ васл мешавад ва бор но нуқтаи таъинот расонида мешавад.
Неъматзода қайд кард, ки айни замон боркашонии байнулмилалӣ бо қоидаҳои махсусе, ки аз аввали моҳи апрел амал мекунанд, сурат мегирад.
Аз ҷумла, таъкид дошт ӯ, яке аз қоидаҳо ҳатман аз тест гузаштани ронандагон зимни вуруд ба қаламрави ҷумҳурӣ буда, дар ҳамин ҳол, гувоҳномаҳои дар бораи солимӣ додашуда дар кишварҳои дигар ба инобат гирифта намешаванд.
Ба гуфтаи вай, дар сарҳад техникаи зарурӣ барои бор кардан аз як мошин ба мошини дигар вуҷуд дорад, ки боркашонҳо аз он истифода бурда метавонанд.
Зимнан Неъматзода илова кард, ки дар муқоиса бо ҳамин давраи соли гузашта давоми 4 моҳи соли равон ҳаҷми боркашонии байнулмилалӣ дар умум ба андозаи қариб 15% коҳиш ёфтааст.
Раиси Иттифоқи машваратчиёни касбии Тоҷикистон Лариса Кислякова қайд кард, ки аксари созмонҳои байнулмилалӣ нуқтаҳои гузаргоҳро навсозӣ карда, он ҷо мушкилот ҷой дорад. Масалан, барои санҷиши маҳсулоти зудвайроншаванда шароит муҳайё нашудааст, ки интиқоли минбаъдаи онро бозмедорад.
Кислякова таъкид дошт, ки пандемияи коронавирус нокофӣ будани гардиши электронии ҳуҷҷатҳоро дар кишвар нишон дод.
Ӯ илова кард, ки ин метавонист алоқаи ронандагонро бо намояндагони сохторҳои давлатии машғули кор дар сарҳад ба таври назаррас маҳдуд сохта, ба ин васила вақти таваққуфи борро кам кунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Рӯзҳои ҷашни Наврӯз обуҳаво дар Тоҷикистон чӣ гуна мешавад?
Нархи Ҳаҷ-2024 маълум шуд. Замони сафар моҳи май аст
Дар мунтахаби олимпии Тоҷикистон 5 легионери нав бозӣ мекунанд
Оғози таътили баҳорӣ маълум шуд. Хонандагони мактаб дар Тоҷикистон чанд рӯз истироҳат мекунанд?
Директори почтаи Ваҳдат зиёда аз 160 ҳазор сомонӣ пули давлатро азхуд кардааст
Ҳукми абади 5 нафар барои куштори Шуҳрат Исматуллоев
Қоғазпораҳоро ба куҷо метавон супорид?
Таҷлили Наврӯз дар Душанбе ба таъхир афтод
Барои ҳаҷи ғайриқонунӣ муҷозот шадид гардид. Чӣ гуна метавон қонунӣ ба ҳаҷ рафт?
Эмомалӣ Раҳмон Владимир Путинро бо пирӯзӣ дар интихобот табрик гуфт
Кулли ахбор
Авторизуйтесь, пожалуйста