Мудирони иҷроияи Бонки ҷаҳонӣ маблағгузории грантиро барои марҳилаи чоруми “Барномаи беҳбуди роҳҳои Осиёи Марказӣ” тасдиқ карданд.
Дар маълумоти намояндагии Бонки ҷаҳонӣ дар ин робита гуфта мешавад, амалисозии лоиҳа ба густариши савдои фаромарзӣ ва беҳбуди робита тариқи роҳҳои мошингард мусоидат мекунад.
Маблағгузории лоиҳа аз ҷониби Ассотсиатсияи байнулмилалии рушд 131 млн доллар) ва Фонди трастӣ барои Барномаи робита ва савдо дар Осиё (1 млн доллар) амалӣ мегардад.
“Тоҷикистон бо имконияти маҳдуд дар минтақаи баландкӯҳ ҷойгир буда, роҳи баромадан ба баҳрро надорад, ки дар натиҷа ба хароҷоти зиёдтарин дар Осиёи Марказӣ вобаста ба нақлиёт ва савдо дучор мешавад”, - таъкид доштааст роҳбари намояндагии доимии Бонки ҷаҳонӣ дар ҶТ Ян-Петер Олтерс.
Ӯ изҳори итминон кардааст, ки маҷмӯи тадбирҳои сармоягузорӣ ба зерсохтори нақлиётӣ ва таҷдиди расмиёти гумрукӣ ба Тоҷикистон дар ташкили бозорҳои содиротӣ кумак карда, барои корхонаҳои хусусӣ ва аҳолии ҷавону дар ҳоли афзоиш қарордоштаи кишвар имкониятҳои нав фароҳам меоварад.
Ҳадафи марҳилаи чоруми “Барномаи беҳбуди роҳҳои Осиёи Марказӣ” аз беҳтар кардани алоқаи Тоҷикистон тариқи роҳҳои автомобилгард ва тавсеъаи имконот баҳри савдои фаромарзӣ, инчунин тақвияти субот ва бехатарии зерсохтори роҳҳо дар вилояти Суғд ва ВМКБ иборат аст.
Дар доираи татбиқи лоиҳа барои таъмиру барқарор кардани зиёда аз 50 километр роҳ дар чор қитъаи вилояти Суғд: Бекобод (қаламрави Ӯзбекистон) - Куркат, Деҳмой - Ғафуров, Ғафуров - Хистеварз ва Кучкак - Конибодом маблағгузорӣ сурат мегирад.
Ҳамчунин дар лоиҳа дастгирӣ аз сохтмони пули Хоруғ ва нақбу галереяҳо (пешайвонҳо) ва пулҳо дар атрофи деҳаи Барсем дар шоҳроҳи Помир дар ВМКБ, ки ба офатҳои табиӣ хеле осебпазир аст, пешбинӣ шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста