Дар доираи сафари корӣ ба ВМКБ президенти Тоҷикистон Эмомалӣ Раҳмон 19 август дар ноҳияи Дарвоз Парки инноватсионии саноатию технологиро мавриди баҳрабардорӣ қарор дод.
Бино ба иттилои хадамоти матбуоти сарвари давлат, дар Парки инноватсионии саноатию технологӣ ду гармхона бо муосиртарин технология, 6 коргоҳи нави истеҳсолӣ, аз ҷумла коргоҳи истеҳсоли маҳлулҳои антисептикӣ, ниқоб, либос ва айнакҳои муҳофизатӣ, коргоҳи истеҳсоли обҳои ташнашикан, коргоҳи коркард ва бандубасти асал ва коргоҳи истеҳсоли картон ба фаъолият оғоз намуданд.
Гуфта мешавад, бо оғози фаъолияти парки технологӣ беш аз 100 нафар сокини маҳаллӣ соҳиби ҷойи кор гардиданд, ки 70 фоизи коргарони корхонаро занону духтарони хонанишин ташкил медиҳад.
“Дар гармхонаҳо аслан қувваи корӣ кам истифода гардида, сабзавот дар нурии махсус шинонида мешавад. Дигар амал, аз ҷумла муътадил нигоҳ доштани ҳарорати ҳавои дохили гармхонаҳо, обмонӣ бо усули қатрагӣ, нуридиҳии зироат ва ғизодиҳӣ ба воситаи технологияи ҷадид, автоматӣ анҷом дода мешавад, ки ин нахустин таҷриба дар ноҳияи Дарвоз мебошад”, - омадааст дар хабар.
Дар навбати аввал дар ин ҷо 3 ҳазору 600 кучати 3 намуди сабзавоти барвақтӣ, аз ҷумла помидор, бодиринг ва булғорӣ бо усули нав парвариш ёфтааст, ки айни ҳол нашъунамои хуб доранд.
Дастгоҳу таҷҳизоти коргоҳи нави маҳлулҳои антисептикӣ, ниқоб, айнак ва либосҳои муҳофизатӣ истеҳсоли Туркия, Русия ва Чин мебошанд.
Дар коргоҳ ду намуди маҳлули антисептикӣ бо андозаҳои гуногун истеҳсол мегардад. Иқтидори истеҳсолии коргоҳи мазкур дар як шабонарӯз 10 тонна маҳлули антисептикӣ буда, ояндаи наздик бо ворид гардидани дастгоҳҳои муосир истеҳсоли боз 12 намуд маводи доруворӣ ва маҳлулҳои безараргардонӣ ба роҳ монда мешавад.
“Зарфҳои махсуси маҳлулҳои антисептикии 50 грамма то 5 литра аз хориҷи мамлакат дастрас гардида, бо истифода аз технологияи пешрафта ва тарҳи хело зебо банду баст карда мешавад”, - қайд мешавад дар хабар.
Дар як шабонарӯз дар хати истеҳсоли ниқоб 24 ҳазор дона ниқоби тиббӣ истеҳсол мегардад. Иқтидори хати истеҳсоли айнакҳои тиббӣ ва муҳофизатӣ дар як шабонарӯз наздики 50 ҳазор донаро ташкил медиҳад.
Оби чашма ба Коргоҳи истеҳсоли обҳои ташнашикан аз масофаи 1 километр бо қубурҳои қутрашон гуногун оварда шуда, дар зарфҳои аз 0,5 то 5 литра омода мешавад.
Гуфта мешавад, маҳсулоти корхонаи мазкур ба пуррагӣ ивазкунандаи воридот буда, оянда дар баробари таъмини аҳолӣ, ҳамзамон ба хориҷи мамлакат низ содирот карда мешавад.
Дар парки технологӣ инчунин фаъолияти корхонаи коркард ва бандубасти асали аз лиҳози экологӣ тозаи ватанӣ ба роҳ монда шудааст.
Маҳсулоти корхона ба содирот нигаронида шуда, барои қонеъ кардани эҳтиёҷоти аҳолӣ, тарабхонаҳо, қаҳвахона ва марказҳои табобатӣ низ нигаронида шудааст.
Айни ҳол коргоҳи мазкур бо иқтидори 650 киллограм дар як соат маҳсулотро коркард ва банду баст менамояд. Дар ин хати истеҳсолӣ дар баробари коркарди босифати асали ватанӣ, боз имкон аст, ки намудҳои гуногуни маҳсулоти консерва ба роҳ монда шавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста