Мақомҳои масъули вилояти Суғд мегӯянд, ки имсол сарфи назар аз ҳамагирии коронавирус, содироти меваи хушк ба хориҷи кишвар зиёд шудааст.
Дар 11 моҳи соли 2020 корхонаҳои коркарди меваи хушки вилояти Суғд ба хориҷи кишвар ба маблағи 464.5 ҳазор доллари амрикоӣ маҳсулот содир кардаанд, ки нисбат ба ҳамин давраи соли гузашта 175 ҳазор доллар зиёд мебошад. Дар ин бора аз Вазорати саноат ва технологияҳои нави ҶТ дар вилояти Суғд ба “Азия-плюс” иттилоъ медиҳанд.
Бино ба иттилои масъулин, дар ин давра дар корхонаҳои коркард ва банду басти меваи хушки вилоят беш 5 ҳазор тонна меваи хушк коркард шудааст, ки 2 ҳазор тона зиёдтар аз соли гузашта аст.
Маҳсулоти ин корхонаҳо асосан ба кишварҳои Аврупо, Русия, Белорус ва Қазоқистон содир мегарданд,-мегӯянд мақомҳои вилоятӣ.
Намояндаи Вазорати саноат ва технологияҳои нав дар вилояти Суғд Наргис Шамсиева гуфт, ки айни замон дар вилоят 18 корхонаи коркарди меваи хушк сабти ном шудааст, ки онҳо асосан дар шаҳру ноҳияҳои Исфара, Конибодом, Ашт ва Хуҷанд фаъолият мекунанд.
“Корхонаҳои мазкур асосан зардолу, себ, шафтолу, тут ва дигар меваҳоро хушк намуда, бо банду басти зебою замонавӣ ба хориҷа содир мекунанд. Масалан, “Хуҷанд Агро” сабзавоте монанди пиёз, сабзӣ, каду ва ғайра хушк карда, ба харидорон пешниҳод мекунад. Баъзе аз корхонаҳо бо қиммаву омехта намудани мағзи меваҳо, ба истилоҳ “қанди экологӣ” истеҳсол мекунанд, ки дар хориҷа талабгорони зиёде дорад, зеро меваҳои мо аз ҷиҳати экологӣ тоза буда, таъми бисёр хуб доранд”-мегӯяд Шамсиева.
Гуфта мешавад, ки дар вилояти Суғд корхонаҳои ҶДММ “Меваи Канд”, “Исфара Фуд”, “Субҳи Ватан”, “Баракат” “Исфара Фрукт”, “Чил Фрукт”, “Ашт Фрукт” ва “Хуҷанд Агро” аз корхонаҳои фаъол дар заминаи коркард ва банду басти меваи хушк арзёбӣ мегардад, ки маҳсулоти онҳо дар бозорҳои хориҷӣ роҳ ёфта, харидори худро пайдо кардааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста