Ҷузъиёти тавозуни барҳамдиҳии “Тоҷиксодиротбонк” (ТСБ) ва “Агроинвестбонк” танҳо баъди аз ҷониби додгоҳ таъин шудани мудири махсус ва тасдиқи нақшаи барҳамдиҳии ин бонкҳо дастрас мешавад, хабар доданд ба “Азия-Плюс” аз Бонки миллии Тоҷикистон (БМТ).
Дар Бонки миллӣ бо истинод ба қонунгузорӣ зикр мекунанд, ки “муҳлати аз ҷониби суд таъин шудани мудири махсус ба ҳолатҳои мавҷуда вобаста аст”.
“... Дар муддати 60 рӯзи корӣ аз рӯзи қабули қарори суд дар бораи парванда оид ба муфлисшавии ташклоти қарзӣ, мудири махсус нақшаи муфассали барҳамдиҳии ташкилоти қарзиро таҳия ва ба тасдиқи суд пешниҳод мекунад, ки он инчунин аз тавозуни аввалияи дороиҳо ва уҳдадориҳои ташкилоти қарзӣ, ки ба ҳолати оғози барҳамдиҳӣ арзёбӣ шудаанд, иборат аст”, - гуфта мешавад дар посухи ба дасти “Азия-Плюс” расидаи Бонки миллӣ.
Тибқи маълумоти пешакии БМТ, ба ҳолати 30 апрели соли 2021 уҳдадориҳои тавозунии “Агроинвестбонк” 1 млрд 380,4 млн сомонӣ (қариб 122 млн доллар)-ро ташкил дода, ҳаҷми умумии дороиҳо (брутто)-и ташкилоти мазкур 1 млрд 826,9 млн сомонӣ (зиёда аз 161 млн доллар) арзёбӣ мешаванд.
Уҳдадориҳои тавозунии “Тоҷиксодиротбонк” дар ин давра ба 1 млрд 263,7 млн сомонӣ (ҳудуди 112 млн доллар) баробар буда, арзиши умумии дороиҳо (брутто)-и ин бонк 3 млрд 922,2 млн сомонӣ (беш аз 346 млн доллар) арзёбӣ мешавад.
Ёдрас мекунем, ки иҷозатномаҳои ин ду бонкро 21 майи соли равон Бонки миллӣ бозхонда, барои барҳамдиҳии бонкҳо бояд бо қарори суд мудирони махсус таъин шаванд.
Бино ба маълумоти БМТ, шумори умумии амонатгузорони “Агроинвестбонк” айни замон 27,7 ҳазор нафарро ташкил дода, амонати 23,7 ҳазор (86%) нафари онҳо пурра ва 4 ҳазор нафарашон қисман аз ҷониби Фонди суғуртаи пасандози шахсони воқеӣ ҷуброн мешавад.
Теъдоди умуми амонтагузорони “Тоҷиксодиротбонк” 5,5 ҳазор нафарро ташкил медиҳад. Пасандози 3,5 ҳазор (64%) нафар пурра ва 2 ҳазор амонатгузорон қисман аз ҷониби Фонди суғуртаи пасандози шахсони воқеӣ ҷуброн мешавад.
Пардохти ҷуброни суғуртавӣ ба амонатгузорони “Агроинвестбонк” ва “Тоҷиксодиротбонк” бо гузашти 14 рӯз аз замони қабули қарори суд дар бораи барҳамдиҳии ин ташкилотҳои қарзӣ дар бонк-агент (ба гумони ғолиб, дар БДА “Амонатбонк”) оғоз мегардад.
Қисмати боқимондаи қарзҳо аз ҳисоби фурӯши дороиҳои ин бонкҳо аз ҷониби мудири махсус баргардонида мешавад, гуфта мешавад дар фарҷоми посухи Бонки миллӣ.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста