Пас аз манъи 2,5-сола ҳукумати Туркманистон ба ҳамлу нақли борҳо ба Тоҷикистон ё аз Тоҷикистон тариқи қаламрави худ иҷоза дод.
"Айни замон таҳвилгарон метавонанд интиқоли молро ба Тоҷикистон ё ба самти муқобил тавассути қаламрави Туркманистон анҷом диҳанд", - хабар доданд ба “Азия-Плюс” аз Вазорати нақлиёти Тоҷикистон.
Аммо, ба гуфтаи намояндаи Вазорати нақлиёт, ин корро дар шароити муайян анҷом додан мумкин аст: ронандаи туркман мошини боркашро аз як нуқтаи марз ба нуқтаи дигар мегузаронад. Масъалаҳои пардохти ҳақмузди ронандагони туркманро худи интиқолдиҳандагон ҳал мекунанд.
Яъне, дар асл ин маънои онро дорад, ки ҳар мошини боркаш дар ду тарафи марзи Туркманистон бояд ду ронанда дошта бошад.
Дар Вазорат мегӯянд, чанде аз таҳвилгарони тоҷик аллакай ба ҳамлу нақли транзитии молу маҳсулот бо ин тарз оғоз кардаанд.
Ин шартҳоро дар Вазорати нақлиёт ба тадбирҳои ҷониби Туркмаистон барои пешгирии паҳншавии коронавирус дар ин кишвар нисбат медиҳанд.
Аммо намояндагони ширкатҳои таҳвилгари молу маҳсулот дар суҳбат ба “Азия-Плюс” изҳор намуданд, ки доир ба ин масъала ҳоло сари тасмими муайяне нарасидаанд: ҳамлу нақли борро аз/ба Ховари Наздик (Эрон, Туркия ва чанде аз кишварҳои арабӣ) бо хатсайри Ӯзбекистон-Қазоқистон-Баҳри Каспий-Озарбойҷон идома бидиҳанд ё ба шартҳои нав розӣ шуда, боркашониро бо хатсайри пешина тариқи қаламрави Туркманистон, ки масофаи роҳро хеле камтар мекунад, барқарор намоянд.
Қобили зикр аст, ки феълан тақрибан бо ҳамин тарз бор аз Чин ба Тоҷикистон расонида мешавад: ронандаи Чин борро дар контейнери муҳрзада то гузаргоҳи “Кулма” оварда, сипас контейнер аз мошини Чин ба мошини Тоҷикистон бор карда мешавад.
Ёдрас мекунем, ки Туркманистон гузаштани воситаи нақлиётро тариқи қаламрави худ бо борҳои Тоҷикистон аввали моҳи феврали соли 2019 қатъ намуд.
Он замон дар Вазорати нақлиёт Тоҷикистон изҳор дошта буданд, ки аз сабаби ин амали ҷониби Туркманистон огаҳӣ надоранд, зеро ба саволҳои худ дар ин маврид аз ҳамтоҳои туркмани худ ҳеҷ посухе дарёфт намекунанд.
Лекин манбаъҳои ғайрирасмӣ бар ин назаранд, ки муносибатҳои Тоҷикистону Туркманистон гӯё бар асари аз сохтмони роҳи оҳани Туркманистон-Афғонистон-Тоҷикистон даст кашидани ҷумҳурии мо пас аз мусоид шудани муносибатҳо бо Ӯзбекистон ба сардӣ гароид.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 15 нафар барои қасди ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста