Президенти Тоҷикистон Эмомалӣ Раҳмон ба ҳукумати кишвар дастур дод, ки дар соли 2022 суръати рушди иқтисоди кишварро дар сатҳи на кам аз 8 фоиз таъмин кунад.
Тавре ки хадамоти матбуоти сарвари давлат хабар медиҳад, дар маҷлиси васеи ҳукумат рӯзи 20 январ президент зикр кард, ки бо мақсади расидан ба ҳадафҳои муайяншуда, барои ташаккули имконияту захираҳои молиявии ба рушд нигаронидашуда, таъмин намудани гуногунсамтии иқтисодиёт, густариши раванди рақамикунонӣ, татбиқи «иқтисоди сабз» ва дар соли 2022 дар сатҳи на кам аз 8 фоиз таъмин намудани суръати рушди иқтисоди кишвар бояд тамоми иқтидору имкониятҳои мавҷуда самаранок истифода гарданд.
Сарвазири мамлакат Қоҳир Расулзода зимни суханронӣ оид ба натиҷаҳои рушди иҷтимоиву иқтисодии ҷумҳурӣ дар соли 2021 зикр кард, ки “сарфи назар аз вазъияти мураккаб бинобар паҳншавии бемории сироятии коронавируси COVID-19, ки вазъияти молиявии давлатҳои ҳамшарики тиҷоратӣ ва воридоти молу маҳсулотро маҳдуд намуд, соли 2021 тамоюли рушди гардиши савдои хориҷӣ таъмин гардида, тадбирҳои андешидаи ҳукумати мамлакат имконият фароҳам овард, ки дар давраи ҳисоботӣ гардиши савдои хориҷӣ нисбат ба соли 2020 - 39,5 фоиз афзоиш ёбад”.
Ба гуфтаи ӯ, дар давраи ҳисоботӣ ҳаҷми маҷмӯи маҳсулоти дохилӣ ба 98,9 млрд сомонӣ баробар гардида, суръати афзоиши он 9,2 фоизро ташкил намуд.
Бахшҳои асосие, ки ба рушди иқтисод дар соли гузашта мусоидат намуданд, чун солҳои пешин бахши кишоварзӣ ва саноат маҳсуб меёбад, ки зиёда аз 40%-и ММД-кишварро таъмин карданд.
Агар ба рақамҳои расмӣ бовар кунем, соли гузашта Тоҷикистон ба рушди баландтарини иқтисод пас аз соли 20004 (10,3%) даст ёфт.
Дар ҳамин ҳол, таҳлилгарони Бонки ҷаҳонӣ дар гузориши нави худ, ки ҳафтаи гузашта нашр шуд, коҳиши иқтисоди Тоҷикистонро дар соли 2022 то 5,5% ва дар соли 2023 - то 4,5% пешгӯӣ мекунанд.
Таҳлилгарони Бонки Ҷаҳонӣ тақвияти ташаннуҷи геополитикӣ дар минтақаи Аврупо ва Осиёи Марказӣ, аз ҷумла эҳтимоли “шиддати низоъ дар Украина ё миёни Қирғизистон ва Тоҷикистон”-ро аз эҳтимол дур намедонанд, ки метавонад ба бозори молиявии минтақа фишор оварад.
Пешгӯии коршиносони Бонки авруосиёии рушд нисбатан хушбинона буда, рушди иқтисоди ҷумҳуриро дар соли равон дар сатҳи 7,9% пешбинӣ мекунанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Кулли ахбор
Авторизуйтесь, пожалуйста