Моҳи гузашта нархи маҳсулоти хӯрокворӣ дар Тоҷикистон 2,5% поин рафта, арзиши маҳсулоти ғайриозуқа 0,3% ва арзиши хидматрасонии пулакӣ ба аҳолӣ - 0,1% зиёд шуд, хабар медиҳад Агентии омори ҷумҳурӣ.
Кадом маҳсулот арзон шуд?
Бино ба маълумоти Агентӣ, моҳи август нархи маҳсулоти зерин поин рафт:
- маснуоти нонӣ ва ярма – ба андозаи 3,4% (асосан аз ҳисоби поинравии нархи орди навъи 1-ум ба андозаи 4,8%);
- сабзавот – 6,3% (аз ҷумла пиёз – 14,8%, картошка – 12,7%, бодиринг – 1,3%, сабзӣ – 0,1%);
- равған ва чарбу – 3,9% (равғани растанӣ – 6,2%, равғани офтобпараст – 2,5%);
- меваҳо – 3% (ангур – 16,2%, нок – 5,8%, себ – 3,1%);
- шакар (қанд) – 3,6%;
- шир – 2,3%;
- гӯшти гӯсфанд – 1,1%;
- гӯшти мурғ – 0,2%.
Дар ҳамин ҳол, помидор ба андозаи 19%, харбуза - 10,5%, карам - 0,3%, биринҷ - 0,2%, маҳсулоти гӯштӣ - 0,2%, аз ҷумла гӯшти гов - 0,8% қимат шуданд.
Таваррум аз оғози сол кам шуд
Тибқи маълумоти Агентии омор, давоми моҳҳои январ-августи соли ҷорӣ сатҳи таваррум аз 4,6% то 3,3% поин рафт.
Дар зарфи 8 моҳи соли ҷорӣ маҳсулоти хӯрокворӣ ба миқдори 4,9%, маҳсулоти ғайриозуқа - 3% боло рафта, хидматрасонии пулакӣ ба аҳолӣ баръакс - 0,8% арзон шуд.
Дар ин давра маҳсулоти зерин нисбатан бештар қимат шуд: сӯзишвории дизелӣ (ба андозаи 18,2%), маводи шусттушӯ - 13,8%, сабзавот - 13,5%, шакар (қанд) - 13%, маснуоти нонӣ ва ярма - 10,6%, маҳсулоти доруворӣ - 7,5%, тухм - 7,3%, шир - 4,1%).
Нишондиҳандаи ҳадафноки таваррум барои соли 2022 аз ҷониби Бонки миллии Тоҷикистон дар сатҳи 6,0% (+/-2 б.ф.) пешбинӣ шудааст. Дар соли 2021 низ ба ҳамин миқдор болоравии нарху таърифаҳо (тарифҳо) дар назар буд, лекин сатҳи таваррум аз рӯйи натиҷаҳои сол 8%-ро ташкил дод.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста