Вазири кишоварзии Тоҷикистон Қурбон Ҳакимзода хабар дод, ки мавриди истифода қарор додани корхонаи истеҳсоли нуриҳои минералии “ТоҷикАзот” дар арафаи ҷашни Наврӯз дар назар аст. Қаблан Вазорати саноат ваъда дода буд, ки корхона тирамоҳи соли 2022 ба кор дароварда мешавад.
“Дар баробари сӯзишворӣ, нуриҳои минералӣ низ яке аз омилҳои асосии таъсир ба арзиши аслии маҳсулоти кишоварзӣ мебошанд”, - гуфт Ҳакимзода.
Ба гуфтаи ӯ, имсол ба Тоҷикистон аз хориҷи кишвар ҳудуди 200 ҳазор тонна нуриҳои минералӣ ворид карда шуд, ки нисфи талаботи бахши кишоварзиро ба ин маҳсулот таъмин месозад.
“Барои ба даст овардани ҳосили хуби зироатҳои кишоварзӣ ба Тоҷикистон ҳамасола на камтар аз 400 ҳазор тонна нуриҳои минералӣ лозим аст.
“Ягона корхонаи истеҳсоли нуриҳои минералии азотӣ дар ҷумҳурӣ - “ТоҷикАзот” дар Сарбанд бояд дар арафаи ҷашни Наврӯз ба кор даромада, навбати аввали он метавонад зиёда аз 100 ҳазор тонна карбамид истеҳсол кунад. Бо мавриди баҳрабардорӣ қарор гирифтани хатҳои нав, ҳаҷми истеҳсоли маҳсулот метавонад то ба 200 ҳазор тонна расонида шавад”, - изҳор дошт вазир.
Зимнан зикр шуд, ки “ин метавонад ба таври назаррас вазъи мушкилро дар бозори нуриҳои минералӣ осонтар гардонад”.
Комбинати дуюми истеҳсоли нуриҳои минералӣ дар кишвар метавонад "ТАЛКО Кемикал” шавад. Дар он нуриҳои минералии фосфорӣ - суперфосфат ва нитрофосфат истеҳсол хоҳанд шуд. Лекин ҳоло дар бораи кай ба истифода додани он ҳеҷ гапе нест.
Дар ҳамин ҳол, мувофиқи Дурнамои нишондиҳандаҳои макроиқтисоди ҷумҳурӣ, то соли 2025 Тоҷикистон воридоти нуриҳои минеалиро то 309 ҳазор тонна зиёд мекунад.
Айни замон нархи 1 кило нурии минералии азотӣ вобаста ба номгӯй аз 7 то 12 сомониро ташкил медиҳад.
Расонаҳо аз ҳалокати 8 коргари афғон дар яке аз конҳои ангишти Тоҷикистон хабар медиҳанд
Аввал музокирот ё оташбас? Баҳси нави Русия ва Украина барои анҷоми ҷанг
Наҷоти як зан, ки мехост бо 2 кӯдакаш худкушӣ кунад. Чанд ҳаводису ахбори ҷиноятии рӯзҳои охир
Давраи чоруми музокироти Эрону Амрико ҳам бидуни натиҷаи чашмрас анҷом ёфт
Медали биринҷии қаиқронони Тоҷикистон дар мусобиқоти қаҳрамонии Осиё дар Чин
Эмомалӣ Раҳмон Попи нави Рум ва садри аъзами Олмонро табрик кард
Шашмақом моли кист? Чаро "Википедия" онро моли яҳудиён медонад ва ҳақиқати таърих чист?
“Аудиокитоб” бо Субҳон Ҷалилов. Дардҳои гиреҳхӯрда. Ҳикояи “Марги ду тан” қисми 2
Дар Душанбе Маркази хизматрасониҳои давлатӣ боз мешавад. Он барои чӣ лозим аст?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 12 майи соли 2025
Кулли ахбор
Авторизуйтесь, пожалуйста