Ҳукумати Русия рӯзи 21 сентябр дар бораи ҷорӣ намудани маҳдудиятҳои муваққатӣ ба содироти бензини автомобилӣ ва сӯзишвории дизелӣ (солярка) қарор қабул кард.
"Маҳдудиятҳои муваққатӣ ба таъмини бештари бозори сӯзишворӣ мусоидат мекунанд, ки дар навбати худ нарх барои истеъмолгаронро коҳиш медиҳад", - хабар дода мешавад дар торнамои ҳукумати Русия.
Дар ҳамин ҳол, РБК бо истинод ба Вазорати энергетикаи Русия менависад, маҳдудиятҳо ба қатъи содироти пасипардагиии сӯзишворӣ (вақте ки иштирокчиёни бозор онро дар бозори дохилӣ бо нархи дохилии Русия харидорӣ мекунанд ва ба хориҷа бо нархи нисбатан баландтар мефурӯшанд) ва таъмини зиёдтари бозори дохилӣ имкон медиҳанд, ки дар навбати худ талаботро зиёд менамояд ва ба поинравии иловагии нарх боис мегардад.
Дар бораи давомнокии муҳлати амали маҳдудиятҳо хабар дода намешавад.
Пешакӣ ба мувофиқа расида буданд
Тоҷикистон қисмати зиёди маҳсулоти нафтиро аз Русия - аз корхонаҳои коркарди нафти Омск ва Орск ворид мекунад.
Бино ба маълумоти Агентии зиддиинҳисории ҷумҳурӣ, дар зарфи 6 моҳи соли ҷорӣ аз хориҷи кишвар ба Тоҷикистон ҳудуди 452 ҳазор тонна маҳсулоти нафтӣ ворид шудааст, ки 85,4%-и он аз Русия оварда шудааст.
Ҳаҷми воридоти бензин ҳудуди 175 ҳазор тоннаро ташкил додааст. Ҳудуди 60%-и воридоти ин маҳсулот аз ҷониби ҶДММ “Газпромнефт-Тоҷикистон”, 7,0% - аз ҷониби Агентии захираҳои давлатии моддии назди ҳукумати ҶТ, 4,0% - ҶДММ “Сеганҷ” ва боқимонда 27% - аз ҷониби дигар ширкатҳо амалӣ шудааст.
Шурӯъ аз соли 2013 Тоҷикистон ҳамасола аз Русия бар асоси имтиёз (бидуни пардохти боҷи содиротӣ) маводи сӯзишворӣ мегирад.
Вазоратҳои энергетикаи ду кишвар то 1 октябр ҳаҷми истифодаи дохилиро дар Тоҷикистон барои соли оянда мувофиқа карда, дар бораи интиқоли ҳаҷми мушаххаси маҳсулоти нафтии Русия ба ҷумҳурӣ қарордод ба имзо мерасонанд.
Тайи солҳои ахир ҷонибҳо ҳамеша дар бораи интиқоли 830 ҳазор тонна маҳсулоти нафтӣ қарордод имзо карда, ба афзоиши он дар соли 2023 то ҳаҷми 1 млн тонна муофиқа ҳосил карданд.
![](https://asiaplustj.info/sites/default/files/articles/329244/%D0%BF%D0%BE%D1%81%D1%82%D0%B0%D0%B2%D0%BA%D0%B0%20%D0%BD%D0%B5%D1%84%D1%82%D0%B5%D0%BF%D1%80%D0%BE%D0%B4%D1%83%D0%BA%D1%82%D0%BE%D0%B2.jpg)
“Мувофиқи ин санад, ҳаҷми умумии тавозуни индикативӣ афзуд, аз ҷумла ҳаҷми интиқоли бензини автомобилӣ ва сӯзишвории дизелӣ ба бозори Тоҷикистон”, - зикр шуда буд дар хабари Вазорати энергетикаи Тоҷикистон пас аз имзои қарордод.
Ҷонибҳо ба иҷрои ҳамаи бандҳои санади имзошуда уҳдадор шуданд. Мутаносибан, маҳдудиятҳои ҷанде пеш ҷоришуда ба содироти бензин ва сӯзишвории дизелӣ ба Тоҷикистон дахл карда наметавонад.
Бино ба маълумоти Вазорати энергетика, соли гузашта ба Тоҷикистон ҳудуди 853 ҳазор тонна маҳсулоти нафтии гуногун ворид карда шудааст, аз ҷумла:
- 387 ҳазор тонна сӯзишвории дизелӣ;
- 320 ҳазор тонна бензин;
- 60 ҳазор тонна сӯзишвории реактивӣ;
- 40,6 ҳазор тонна кокси нафтӣ;
- 30 ҳазор тонна битум ва мазут;
- 1,2 ҳазор тонна дигар маҳсулоти нафтӣ.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста