Вазорати маориф ва илми Тоҷикистон изҳор медорад, ки 11 нафар толибилмони мактаби таҳсилоти умумии №104-и деҳаи Сӯфиёни шаҳри Ваҳдат аз бӯи гулҳо заҳролуд шудаанд. Аммо ба савол дар бораи маҳз аз бӯи кадом гулу растаниҳо заҳролуд шудани хонандагон посухи саҳеҳ дода нашуд.
Радиои Озодӣ имрӯз иттилоъ дод , ки ёздаҳ хонандаи мактаби таҳсилоти ҳамагонии рақами 104 рӯзи ҷумъа аз ҳуш рафта, волидонашон иддао доранд, ки то ҳол ба худ наомадаанд ва ташхиси онҳо дар бемористонҳои Душанбе идома дорад.
Волидони талабаҳои мактаб баъди он ки беморхонаи ноҳия сабаби ин ҳолатро ташхис накардааст, фарзандони худро ба беморхонаи "Медгородок"-и пойтахт оварданд ва аз ин ҷо ба бемористони шаҳрии рақами 4 интиқол дода шуданд.
Дар Вазорати маорфи ва илми ҷумҳурӣ зикр карданд, ки ҳамаи толибилмони заҳролудшудаи деҳаи Сӯфиён айни замон худро хуб ҳис карда, дар дарсҳо ҳузур доранд. Сардори Раёсати маълумоти миёнаи мактабии Вазорат Абдуҷаббор Алиев ба «Азия-Плюс» дар ин робита изҳор намуд, ки ҳеҷ кадоме аз онҳо дар беморисон бистарӣ нашудаанд.
Дар шарҳи ин ҳодиса муовини вазири тандурустии Тоҷикистон - сардухтури санитарии кишвар Наврӯз Ҷаъфаров ҳолати дар мактаби Ваҳдат заҳролуд шудани хонандагонро тасдиқ намуда, зикр кард, ки айни замон ин ҳодисаро прокуратураи шаҳр таҳқиқ мекунад. «Ба эҳтимоли зиёд толибилмон аз кадом як растание захролуд шудаанд», - иброз дошт ӯ.
Сардухтури санитарии кишвар ҳамчунин иттилоъ дод, ки рӯзи 27 май 52 нафар хонандагони мактаби №3-и деҳаи Хоҷағалтони ноҳияи Шамсиддини Шоҳин (собиқ Шӯрообод) аз таъсири доруи зидди пашша заҳролуд шудаанд , ки бо он синфхонаҳоро коркард намудаанд.
«Аз ин 52 нафари ба табибон муроҷиаткарда 7 нафарашон дар бемористон бистарӣ шуда буданд, зеро вазъашон вазнин буд, вале аллакай рӯзи шанбе, 28 май вазъи солимии онҳо муътадил шуда, аз бемористон ҷавоб дода шуданд», - гуфт Наврӯз Ҷаъфаров.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста