Маъмурияти муваққатии ҶСК «Тоҷиксодиротбонк» маълумоти лату кӯби сардори хадамоти ҳифзи меҳнат, мудофиаи гражданӣ ва назорати бехатарӣ аз сӯхтори «Тоҷиксодиротбонк» Абдулмуъмин Оевро аз ҷониби роҳбари маъмурияти муваққатии бонк Мирҳаёт Ёқубов рад кард.
«Аз ҷониби кормандони мудирияти муваққатӣ нисбат ба Оев А. ягон фишори ҷисмонӣ истифода нагардидааст», - қайд мешавад дар маълумоти сомонаи расмии бонк.
Бино ба ин маълумот, Оев Абулмуъмин аз соли 2008 то инҷониб фаъолият намуда, барои таъмини пешгирии сӯхтор дар иншооти Ҷамъияти мазкур масъул аст ва инчунин назорати сенсорҳои зиддисухторӣ, ки пешгирии сӯхторро таъмин менамоянд, низ ба зиммаи ӯ вогузор карда шудааст.
«Муайян карда шуд, ки сенсорҳои зиддисӯхторӣ аз рӯи таъиноташон амалӣ нагашта, дар якчандтои онҳо камераи банаворгирӣ ва сабти овоз насб карда шуда, ба дигар мақсадҳои номаълум барои ба навор гирифтан ва гӯш кардани кормандон ва мизоҷони Бонк истифода карда шудаанд, ки ин амал хилофи талаботи қонунгузорӣ мебошад», - омадааст дар хабари ҶСК «Тоҷиксодиротбонк».
Гуфта мешавад, аз ин лиҳоз мудирияти муваққатии дар Бонки мазкур таъиншуда ҷиҳати пешгирии чунин омилҳои ғайриқонунӣ ва ба ҷавобгарӣ кашидани шахсони ба ин амал дахлдошта тасмим гирифтааст, ки ба мақомоти ҳифзи ҳуқуқ муроҷиат намояд.
Қаблан иттилоъ дода будем, ки сардори хадамоти ҳифзи меҳнат, мудофиаи гражданӣ ва назорати бехатарӣ аз сӯхтори «Тоҷиксодиротбонк» Абдулмуъмин Оев, ки аз лату кӯби роҳбари маъмурияти муваққатии бонк Мирҳаёт Ёқубов осеб дидааст, ба Кумитаи давлатии амнияти миллии Тоҷикистон ариза дода, дар он М.Ёқубовро дар лату кӯб, кӯшиши куштор ва ҳамчунин туҳмат айбдор кардааст.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста