Сокинони ду деҳаи ноҳияи Ишкошими ВМКБ аз орди гандуме, ки соҳибкори маҳаллӣ аз ноҳияи Ҳамадонӣ овардааст, заҳролуд шуданд.
Бино ба маълумоти котиби матбуотии раиси ВМКБ Нилуфар Асламшоева, моҳи августи соли гузашта соҳибкори маҳаллӣ, сокини деҳаи Тугози ҷамоати деҳоти Питуп Насриддин Сабзалиев аз минтақаи ҷануби ҷумҳурӣ ба деҳа 5 тонна гандум оварда, ба сокинони маҳаллӣ мефурӯхтааст, ки онро дар осиёб орд мекардаанд.
Баъдан маълум шудааст, ки дар таркиби гандум растании заҳролуд - гелиотроп (алафи бегона) мавҷуд будааст. Нахустин аломати заҳролудшавӣ аз орди ин гандум санаи 17 январ ба қайд гирифта шудааст: дар ин рӯз 5 узви оилаи Қурбонбеквоҳо - сокинони деҳаи Питупи ноҳияи Ишкошим ба бемористони вилоят оварда шуда, 31 январ кӯдаки 11-солаи ин оила вафот мекунад.
Бо аломатҳои захролудшавӣ айни замон 19 нафар, аз ҷумла 8 нафар кӯдакон дар бемористони вилоят бистарианд, ки вазъи 1 нафар аз кӯдакон вазнин аст.
Ба қавли Нилуфар Асламшоева гурӯҳи кории бо дастури раиси вилоят Шодихон Ҷамшед ташкилшуда, дар ноҳияи Ишкошим сабабҳои заҳролудшавии одамонро муайн карда, санаи 9 феврал раиси вилоят гурӯҳи мутахассион аз Вазорати тандурустиро қабул кардааст, ки барои муолиҷаи сокинони заҳролудшудаи Ишкошим омадаанд.
Зимни ташхис дар ҷисми 60 нафар сокинони деҳаҳои Питуп ва Шитхарви ноҳияи Ишкошим тағйироти манфӣ ошкор шуда, он аз ривоҷи бемории марбут ба заҳролудшавӣ аз ғизо гувоҳӣ додааст.
«Ба ақидаи мутахассисони тиббӣ, аз эҳтимол дур нест, ки дар сокинони аз ин орд моҳҳои декабр ва январ истеъмолнамудаи ноҳия аломатҳои беморӣ фасли баҳор пайдо шаванд», - гуфт котиби матбуотии раиси вилоят.
Зимнан зикр гардид, ки гандуми заҳролуд аз дасти аҳолӣ гирифта шуда, ба ивази он бо дастури раҳбарияти вилоят аз ҳисоби захираҳои Агентии захираҳои давлатии моддӣ орд дода шудааст.
Ҳамчунин соҳибкоре, ки ин гандумро аз вилояти Хатлон овардааст, ба сокинони деҳаи Питуп ба ивази гандуми гирифта 2,5 тонна орд додааст.
«Ба бемористони вилоят ҷиҳати муолиҷаи беморон тамоми дорувории зарурии тиббӣ оварда шуд», - илова кард Нилуфар Асламшоева.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста