Хешону наздикони навраси 15-солаи ҳалокшуда мегӯянд, наворҳои сабти видеои ҳодиса ба таври мармуз гум шудаанд. Онҳо ҳамчунин зикр мекунанд, ки муфаттиши Раёсати ВКД дар шаҳри Кӯлоб маст будааст. ВКД ва Прокуратураи генералӣ хомӯширо ихтиёр кардаанд, гӯё ба парванда муҳри махфӣ гузошта шудааст.
Қобили зикр аст, ки дар ВКД ва Прокуратураи генералии ҷумҳурӣ аз шарҳу тавзеҳи ҳодисаи мазкур ба «Азия-Плюс» худдорӣ варзиданд. Котиби матбуотии Прокуратураи геералӣ изҳор дошт, ки аз ин қазия ҳеҷ огаҳие надорад, «вале агар ба мо донистани он лозим бошад, дархости хаттӣ равона кунед».
Мо дархост навиштаву ирсол намудем. Акнун посухро мунтазир мешавем.
Абдулазиз Азизов, амаки Фирдавс изҳор мекунад, ки ҷасади Фирдавсро корманди милитсия ба сардхона оварда, вале хешону наздикони ӯро интизор нашудааст.
Амаки наврас мегӯяд, ҳодиса дар камераҳои видеои кӯча сабт шуда, онро Радиои Озодӣ дар маводи худ истифода карда буд, вале баъдан касе ҳамаи ин сабтҳоро хориҷ кардааст. «Дар ин наворҳо аён буд, ки Фирдавс на ба муқобили роҳ ҳаракат мекард, балки дар канори роҳ истода буд», - иброз дошт ӯ.
Номбурда ба ҳушёр будани корманди милитсия низ шубҳа дорад. «Маълум аст, ки ӯ маст буд, соати11-и шаб дар роҳ автомашинаҳо нестанд ва чӣ гуна ӯ натавонистааст, ки наврасро дар канори роҳ набинад?, - мегӯяд ӯ. - Танҳо рӯзи дигар ӯро ташхис карданд. Кӣ кафолат дода метавонад, ки мутахассисон хулосаи дуруст доданд? Ӯ маст буд, вагарна ҳамон шаб назди мо меомад».
Аз прокуратураи шаҳри Кӯлоб ба «Азия-Плюс» хабар доданд, ки капитани милитсия Саидмумин Исмоилов маст набуд. «Мо намедонем, ки сабтҳои камераҳои видеоӣ куҷо гум шудаанд. Парвандаи ҷиноӣ алҳол боз нашудааст, зеро мо ҷавоби ташхисро интизорем. Ин ҷавоб бояд дар бораи аз ҷониби ронанда риоя шудан ё нашудани қоидаҳо маълумот пешниҳод намояд», - хабар дод як манбаъ аз прокуратура бидуни ифшои ном.
Ба мо муяссар шуд, ки бо худи Саидмумин Исмоилов низ тамоси телефонӣ бигирем, лекин корманди милитсия изҳор дошт ки бемор аст ва ҳама гуна шарҳи ҳодисаро рад кард.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста