Ронандаи автомашинае, ки дар Душанбе кӯдаконро пахш намуда, ба ҳалокати онҳо боис гардид, ба рондани воситаи нақлиёт ҳуқуқ надошт.
Бино ба маълумоти Раёсати ВКД дар шаҳри Душанбе, шоми санаи 22-юми феврал ронандаи автомашинаи номаълум, ҳангоми ҳаракат аз кӯчаи 50-солагии Тоҷикистон ба самти кӯчаи Абайи шаҳри Душанбе, дар болои гузаргоҳи танзимшаванда қоидаҳои бехатарии харакат дар роҳро дағалона вайрон намуда, пиёдагардони хурдсол Ҳамза Норови 10-сола ва Дилноза Нороваи 11-сола, сокинони пойтахтро пахш намуд.
«Бо рух додани чунин ҳодисаи нохуши нақлиётӣ, мутаассифона пиёдагардони хурдсол ҷароҳатҳои вазнини ҷисмонӣ бардошта, ҳангоми ба беморхона дастрас намудан, дар роҳ ба ҳалокат расидаанд», - омадааст дар маълумоти РВКД.
Гуфта мешавад, зимни гузаронидани маҷмӯи чорабиниҳои оперативӣ-ҷустуҷӯӣ ронандаи фирорӣ аз ҷониби кормандони милитсияи пойтахт дастгир шуда, муайян гардид, ки ин ҷиноятро ронандаи автомашинаи тамғаи “Ауди” ва бе шаҳодатномаи ронандагӣ сокини пойтахт, шаҳрванд Маъруф Шарифови 25-сола содир намудааст.
Зимнан зикр мегардад, ки нисбати ронандаи фирорӣ барои оғоз намудани парвандаи ҷиноятӣ маводҳои аввалиндараҷа тартиб дода шуда, дар ҳабси пешакӣ қарор дорад.
Мувофиқи меъёрҳои Кодекси ҷиноии Тоҷикистон, барои ронандае, ки бо гуноҳи ӯ бар асари садамаи нақлиёт ду ё зиёда аз он касон ҳалок мешаванд, аз панҷ то даҳ сол ҷазои маҳрумият аз озодӣ пешбинӣ шудааст. Шахсе, ки амалро содир кардаасту шаҳодатномаи ронандагӣ надорад, ба ҷазои аз 10 то 15 соли зиндон маҳкум мешавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста