Дар маракази маъмурии Вилояти Мухтори Кӯҳистони Бадахшон бо иштироки сарҳадбонон садамаи нақлиёт рух дода, бар асари он чор нафар осеб диданд, хабар дод ба “Азия-Плюс” як манбаъ аз дастгоҳи раиси вилоят.
Дар натиҷаи садамаи нақлиёт, ки рӯзи 1 декабр дар мавзеи НБО Помир-1, дар деҳаи Нивак рух додааст, ду нафар, аз ҷумла зани ҳомиладор ба ҳалокат расида, боз ду тани дигар ҷароҳати вазнин бардоштаанд.
Ронандаи автомашинаи хизматии тамғаи «Toyota RAV-4»-и сарҳадбонон ба автомашинаи мусофиркаш (маршрутка) бармехӯрад. Дар натиҷа яке аз мусофирзанон аз автомашина ба канал меафтад. “Ҷасади зане, ки ҳомиладор буд, алҳол дарёфт нашудааст. Ҷустуҷӯи ҷасад идома дорад”, - хабар дод ба “Азия-Плюс” як манбаъ аз дастгоҳи раиси ВМКБ.
Бино ба маълумоти дарёфтӣ, боз як мусофирзани дигар низ бар асари бархӯрди автомашинаҳо ба канал афтида, ҷасади ӯро дарёфт кардаанд.
Ронандаи автомашинаи мусофирбар (маршрутка) ва боз як мусофири дигар ҷароҳатҳои взанин бардошта, дар бемористон бистарианд.
Ронандаи автомашинаи "Toyota RAV-4", хизматчии ҳарбии Қушӯнҳои сарҳадии КДАМ Тоҷикистон боздошт шуда, аз рӯи ин далел парвандаи ҷиноӣ боз шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста