Аз тири шаҳрванди Қирғизистон як нафар шаҳрванди Тоҷикистон кушта шуда, ду нафар ҷароҳат бардоштаанд, хабар дод ба “Азия-Плюс” як сокини ин ҷамоат.
Ба қавли манбаъ, имрӯз, тахминан соати 15:10 шаҳрвандони мусаллаҳи Қирғизистон ба ҷониби шаҳрвандони Тоҷикистон дар Ворух тир холӣ карданд.
“Онҳо дар деҳаи Тоҷикони ҷамоати Ворух оташ кушоданд. Дар натиҷа як нафар – Рафоиддин Тешаеви 37-сола ба ҳалокат расида, як нафар - Ансориддин Ҳайдаров аз дасташ захмӣ шуд”,-гуфт сокини ҷамоат.
Боз ду нафар шаҳрвандони дигари Тоҷикистон - Абдуғафру Воҳидов ва Насиба Зайниева аз сангпартоӣ ба ҷонибашон ҷароҳат бардошта, дар бемористон бистарӣ шуданд.
Сабаби муноқишаи навбатӣ маълум нест. Ба қавли сокинони маҳаллӣ, ҷониби Қирғизистон сокинони худро мусаллаҳ менамояд.
Ҳоло роҳ аз ҷониби Исфара ба самти Ворух аз тарафи қирғизҳо баста шудааст.
“Онҳо ҳатто ба раиси вилоят Раҷаббой Аҳмадзода, ки субҳи имрӯз барои мулоқот бо сокинони ин маҳал ба Ворух омада буд, иҷозаи хуруҷ аз ин маконро надодаанд. Ҳоло онҳо якҷо бо роҳбарияти мақомоти қудратии Суғд ва шаҳри Исфара дар Ворух қарор доранд”,-хабар медиҳад манбаъ.
Ёдрас мекунем, ки муноқишаи навбатӣ дар марзи Тоҷикистону Қирғизистон рӯзи гузашта, 13 март пас аз барқарор кардани сохтмони роҳ дар қаламрави баҳсӣ аз ҷониби ҳукуматдорони Қирғизистон оғоз шуд.
Ҷониби Қирғизистон қарори ниҳоӣ дар бораи таъйин ва аломатгузории сарҳад байни кишварҳоро интизор нашуда, ба сохтмони роҳ оғоз намуд. Се рӯз пеш корҳои сохтмони роҳи Оқ-Сой-Тамдиқ бидуни убури қаламрави Ворух шурӯъ гардид.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Кулли ахбор
Авторизуйтесь, пожалуйста