Сокини деҳаи Баҳористони ҷамоати Сешанбеи шаҳри Турсунзода Азиз Қулови 16-сола бар асари борони сахти субҳи 21-уми апрел ва омадани сел ба ҳалокат расидааст, хабар доданд ба “Азия-Плюс” аз мақомоти шаҳрдории Турсунзода.
Наврас дар адир ба чаронидани чорво машғул буда, талош кардааст, ки чорвои дар маҷрои сел ғарқшударо наҷот диҳад. Часади ӯ баъди чанд соат дарёфт шудааст.
Дар қаламрави шаҳри Душанбе дар натиҷаи шамоли сахт дарахт ба болои автомашинаи «Daewoo Tico» афтода, мусофири автомашина дар ҷойи ҳодиса ҳалок ва ронанда ҷароҳатҳои ҷисмонӣ бардоштааст, хабар медиҳад Кумитаи ҳолатҳои фавқулодаи ҷумҳурӣ.
Гурӯҳи задамали наҷотбахшони Кумита дар шаҳри Душанбе ҷасади мусофири ҳалокшуда ва ронандаи ҷароҳатбардоштаро аз дохили автомашина берун овардаанд.
Қаблан Кумитаи ҳолатҳои фавқулодда ва мудофиаи граждании ҷумҳурӣ огоҳ карда буд, ки тибқи иттилои Агентии ҳавошиносии ҷумҳурӣ, то охири моҳи апрел дар қаламрави мамлакат обуҳавои номусоид боқӣ мемонад.
Пайваставу пуршиддат боридани борон метавонад ба лағзиши тарма, омадани сел ва резиши санг сабаб шавад. Ҳавои номусоид метавонад ба чаронидани чорво дар даштҳо ва чарогоҳҳои кӯҳӣ мушкил эҷод кунад.
Дар ҳамин иртибот Кумита аз сокинони мамлакат ва меҳмонон хоҳиш кард, ки дар ин рӯзҳо бештар эҳтиёткор буда, чораҳои бехатариро риоя намоянд, аз сафар ба кӯҳҳо, ҷамъоварии занбурӯғ ва дигар зироатҳое, ки дар маҳалҳои кӯҳӣ мерӯянд, худдорӣ кунанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста