Дар шаҳри Конибодом як наҳр дар деҳаи Шӯрқурғон аз соҳилаш баромада, гӯристони деҳаро зери об кардааст. Дар натиҷа чандин оромгоҳҳо фурӯ рафтаанд, хабар дод ба “Азия-Плюс” тариқи телефон як манбаъ аз дастгоҳи раиси шаҳр.
Бино ба гуфтаи ӯ, мақомоти шаҳрдорӣ ва умури дин ният доранд, ки то бегоҳи имрӯз қабрҳои фурӯрафтаро барқарор кунанд. Дар назди мақомоти шаҳрдорӣ оид ба муайян кардани ҳаҷми зиён ва рафъи оқибатҳои офати табиӣ ситод ташкил шудааст.
Ғайр аз ин, дар бисёре аз деҳаҳои Конибодом низ харобшавии манзилу биноҳои хоҷагидорӣ ба қайд гирифта шуда, ба садҳо гектар майдони заминҳои кишоварзӣ зарар расидааст.
Сел ба 55 манзили сокинони маҳаллӣ осеб расонидааст, ки дубора барқарор кардани аксари онҳо ғайриимкон аст.
Имрӯзҳо дар қаламрави кишвар обуҳавои номусоид боқӣ монда, чанд рӯзи охир обуҳавои сербориш ба омадани сел дар ҳудуди як қатор минтақаҳои кишвар боис гардид.
Рӯзи 3 июн сел ба заминҳои кишт, роҳҳои мошингард ва қитъаи заминҳои наздиҳавлигии сокинони ноҳияҳои Восеъ ва Фархор зиёни ҷиддӣ расонид. Талафоти ҷонӣ ба қайд гирифта нашудааст.
Тибқи иттилои Агентии ҳавошиносии ҷумҳурӣ, ҳавои номусоид дар қаламрави мамлакат то 7 июн боқӣ мемонад. Пайваставу пуршиддат боридани борон метавонад ба лағзиши тарма, омадани сел, резиши санг, болоравии сатҳи оби дарёву обанборҳо, шусташавии соҳилҳои кӯлу дарёҳо сабаб шавад.
Кумитаи ҳолатҳои фавқулодаи назди ҳукумати ҷумҳурӣ боисрор аз аҳолӣ дархост мекунад, ки аз сафару сайру саёҳат ба қитъаҳои дорои хатари тармафароӣ, ҷамъоварии растанӣ дар кӯҳҳо худдорӣ намуда, ҳушёру эҳтиёткор бошанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста