Бино ба иттили маркази матбуоти ВКД Тоҷикистон, аз рӯи далели куштор бо бераҳмии махсус кормандони милитсия марди 26-солаи шаҳри Истаравшанро боздошт намудаанд.

“Номбурда аз сабаби муноқишаи оилавӣ ва рашк ҳамсараш, зани 25-соларо, ки аз беморхонаи марказӣ ба хонааш бармегашт, дар дохили автомашинаи кирокаш (таксӣ) бо корд 10-маротиба ба узвҳои баданаш задааст”, - омадааст дар хабари ВКД.

Гуфта мешавад, дар натиҷа, ҷабрдида ҷароҳатҳои вазнини ҷисмонӣ бардошта, ҳангоми ба беморхона дастрас намудан ба ҳалокат расидааст.

Зимнан зикр мегардад, ки аз рӯи ин ҳодиса парвандаи ҷиноятӣ оғоз гардида, тафтишот идома дорад.

Соли гузашта дар қаламрави Тоҷикистон 86 ҳодисаи куштор ба қайд гирифта шуда, аксрияти онҳо дар заминаи ҷанҷолу муноқишаҳои оилавӣ сурат гирифтаанд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.