Дар деҳаи Дмитровское наздикии Красногорск байни шаҳрвандони Тоҷикистон занозанӣ рух додааст. Дар ин бора "Комсомольская правда" бо истинод ба манбаъҳо дар мақомоти ҳифзи ҳуқуқ хабар медиҳад.

Нашрия менависад, ҳодиса рӯзи 20-уми октябр дар таваққуфгоҳи нақлиётии назди мағозаи “Гастроном №8”, воқеъ дар деҳаи Дмитровское наздикии Красногорск ба амал омад. Муноқишаи байни ду гурӯҳи мардон ба занозании дастаҷамъона бо истифода аз корд табдил шудааст.

Гуфта мешавад, дар муноқиша 11 нафар – ҳама шаҳрвандони Тоҷикистон иштирок кардаанд. Панҷ нафар аз захми корд бистарии бемористон шудаанд. Як каси дигар ҷароҳати сабук бардоштааст.

Ҳамаи шаш нафар осебдидагон шаҳрвандони синни аз 21 то 31-солаи Тоҷикистон мебошанд. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.