Наҷотбахшон зарфи шабонарӯзи гузашта духтарчаи хурдсолро аз ҳаммоми дарбаста раҳонида, барои кушодани манзили истиқоматӣ кумак расониданд.
Як сокини ноҳияи Синои пойтахт шаби 10-уми ноябр ба қисми навбатдории Кумитаи ҳолатҳои фавқулодда ва мудофиаи граждании назди Ҳукумати ҶТ (КҲФ) занг задааст. Ин зани ҷавон бо изтироб хабар додааст, ки аз сабаби номаълум дари ҳаммоми хонааш баста шудаасту дохили он духтарчаи дусолааш мондааст. Худи ӯ ҳарчанд талош кардааст, аммо дарро кушода натавонистааст. Наҷотбахшони дастаи зудамали раёсати Кумита дар шаҳри Душанбе ба суроғаи он зан дар кӯтоҳтарин фурсат расида, бе ягон осеб дарро боз карданд ва тифлакро ба модараш доданд.
Худи ҳамин шаб дар ошёнаи шашуми бинои бисёрқабата, воқеъ дар ноҳияи Фирдавсии пойтахт аз беэҳтиётии сокинон дар баста шудааст ва онҳо мустақилона онро кушода натавонистаанд. Кормадони КҲФ баъд аз даъват фавран ба маҳал расида, бо истифода аз таҷҳизоти махсус дарро боз карданд ва имкони вуруди сокинонро фароҳам оварданд.
КҲФ ба сокинон ва меҳмонони кишвар муроҷиат мекунад, ки дар сурати рух додани ҳолатҳои фавқулодда бо рақамҳои 112 ва ё 93 880 28 19 хабар расонанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста