Дирӯз, 28 уми май кӯдаки 4-сола аз деҳаи Навид, ҷамоати деҳоти Навиди ноҳияи Рашт аз беэҳтиётии волидайнаш ба дарёчаи ин русто афтода, ғарқ шудааст.
Бино ба иттилои Кумитаи ҳолатҳои фавқулода, дастаи махсуси наҷотдиҳандагони КҲФ дар ноҳияи Рашт ба ҷои ҳодиса сафарбар гардида, ҳамроҳи аҳолии деҳоти мазкур корҳои кофтуковиро ба роҳ монда, соати 16:20 дақиқа ҷасади ноболиғро ёфтанд ва ба волидонаш супурдаанд.
Инчунин худи ҳамон рӯз, 28-уми май сокини 25-солаи шаҳри Истаравшан, ки дар оби обанбори Каттасой шиноварӣ мекард, баногоҳ ғарқ шуд.
Дастаи махсуси наҷотдиҳандагони Раёсати КҲФ дар шаҳри Хуҷанд ба ҷои ҳодиса сафарбар шуда, ҷасадро пайдо карданд ва ба мақомоти дахлдор супурданд.
Ҳамзамон, шаби 27-уми май, тахминан соати 22:00 сокини 11-солаи ҷамоати деҳоти Гулистони ноҳияи Восеъ аз хона баромада, бедарак мешавад. Волидонаш ҳадс мезаданд, ки ӯ дар дарёи Сурхоб ғарқ шудааст.
Ба ҷои ҳодиса гурӯҳи наҷотдиҳандагони КҲФ дар минтақаи Кулоб дар ҳайати 12 нафар ҳамроҳ бо кормандони ШВКД-и ноҳия ва сокинони деҳа сафарбар шуда, ҷустуҷӯи ноболиғро оғоз карданд. Вале ин кофтуков дирӯз натиҷа надода, ҳоло кофтуков идома дорад.
Инчунин боз дар як ҳодисаи рӯзи гузашта дар ҷамоати деҳоти Айнӣ духтари 16-сола ба қасди худкушӣ худро дар дарёи Зарафшон ғарқ кардааст.
Ба иттилои Кумита, кормандони шуъбаи КҲФ дар водии Зарафшон ҳоло ҷасади духтарро пайдо накарда, корҳои ҷустуҷӯӣ идома доранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста