Тибқи фарзияи пешакӣ, сабаби сар задани сӯхтор дар маркази савдои “Душанбе Молл”, ки дар он гипермаркети “Ашан” воқеъ аст, расиши кӯтоҳи ноқилҳои барқӣ унвон мешавад.
Бино ба маълумоти ВКД Тоҷикистон, сӯхтор нимаи дуюми рӯзи 7 июл ба амал омада, 14 адад нақлиётҳои сӯхторхомушкунии асосӣ ва махсуси ҷузъу томҳои Сарраёсати хадамоти оташнишонии ВКД ба ҷойи ҳодиса сафарбар шуданд.
“Дар натиҷаи расиши кӯтоҳи ноқилҳои барқӣ дар шифти ташнобхонаи (ҳоҷатхона) ошёнаи чоруми бинои марказ сӯхтор сар зад, - қайд мешавад дар хабар. - Дар вақти ба маҳалли ҳодиса расидани кормандони Хадамоти оташнишонӣ дар масоҳати 1 метри мураббаъ шифтро забонаи оташ ва ошёнаи чорумро қисман дуди ғализ фаро гирифта буд”.
Гуфта мешавад, кормандони Хадамоти оташнишонӣ дар як вақт тахминан 250 нафар кормандон ва мизоҷон, инчунин миқдори муайяни молу ашёҳои қиматнокро аз бинои Маркази савдои мазкур ба ҷойи бехавф кӯчонида, ҳамзамон роҳҳои паҳншавии оташ дар ҳама самтҳо пешгирӣ ва сӯхтор дар масоҳати аввалааш базудӣ хомӯш карда шуд.
Навори видео дар шабакаҳои иҷтимоӣ аз ҷойи ҳодиса
Дирӯз дар изҳороти маъмурияти “Молл Душанбе” дар шабакаи “Фейсбук” зикр гардида буд, ки “мувофиқи гумонҳои пешакӣ, сӯхтор бар асари сигори хомӯшнашуда дар ҳоҷатхонаи занонаи ошёнаи сеюм марказ ба амал омадааст”.
Таъкид мешавад, ки низоми огоҳкунии марказ бо маркази идоракунии Хадамоти оташнишонии ВКД пайвваст буда, бо ин огоҳӣ гурӯҳҳои оташнишонон фавран ба ҷойи ҳодиса ҳозир шуданд.
Навори видео дар шабакаҳои иҷтимоӣ аз ҷойи ҳодиса
Гипермаркети “Ашан” (Душанбе Молл) дар пойтахти Тоҷикистон моҳи июни соли 2016 ба фаъолият оғоз кард. Он замон “Ашан”-и Душанбе бузургтарин гипермаркет дар минтақаи Осиёи Марказӣ номида шуд. Сохтмони он муддати се сол давом кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста