Ба наҷотдиҳандагони Раёсати Кумитаи ҳолатҳои фавқулода дар вилояти Суғд муяссар шуд, ки як духтари 17-соларо аз худкушӣ наҷот диҳанд.

Бино ба иттилои маркази матбуоти КҲФ, духтари 17-сола, сокини деҳаи Чоруқдаррони шаҳри Гулистон худро аз болои пул дар шаҳри Хуҷанд ба Сирдарё партофтааст.

“Наҷотдиҳандагони Раёсат ӯро аз об берун ва ба соҳил бароварда, кумаки зарурӣ расониданд”, - қайд мешавад дар хабар.

Ба иттилои манбаъ, бистарӣ шудан дар бемористоно духтар рад кардааст.

Мақомоти ҳифзи ҳуқуқ сабабҳои ба ин амал даст задани ӯро таҳқиқ мекунанд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.