Бар асари ду ҳодисаи садамаи нақлиёт, ки рӯзи 6 декабр дар роҳҳои ҷумҳурӣ рух дод, 4 кас ҳалоку 5 нафари дигар ҷароҳат бардоштанд.

Тавре маркази матбуоти ВКД Тоҷикистон хабар медиҳад, ронандаи автомашинаи тамғаи “Тойота” сокини 19-солаи шаҳри Душанбе дар қаламрави деҳаи Гулистони ноҳияи Рӯдакӣ аз уҳдаи идораи воситаи нақлиёт набаромада, автомашина ба дарахт бармехӯрад.

Дар натиҷа ронандаи автомашина ва мусофирзани 28-солаи он - сокини шаҳри Ваҳдат дар ҷойи ҳодиса ҳалок шудаанд.

Боз 4 нафар мусофирони дигари автомашина, аз ҷумла 2 нафар кӯдакон ҷароҳат бардошта, дар бемористон бистарӣ шудаанд.

Ба иттилои манбаъ, дар роҳи мошингарди Тоҷикобод-Лахш ронандаи автомашинаи тамғаи KIA, сокини 42-солаи ноҳияи Рашт аз уҳдаи идораи воситаи нақлиёт набаромада, автомашина ба ҷарӣ сарозер мешавад.

Дар натиҷа мусофирзани 56-солаи автомашина дар ҷойи ҳодиса ва ронанда аз ҷароҳатҳои бардошта дар беморхона ҳалок шудаанд. Боз як мусофири дигари автомашина ҷароҳат бардоштааст.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар TelegramFacebookInstagramViberЯндекс.ДзенOK ва Google Новости бо мо бимонед.