Раҷабалӣ Одинаев, муассис ва раиси зиндонии ширкат маъруфи "Умед-88" даргузашт. Ин хабарро як манбаъ аз Сарраёсати иҷрои ҷазои ҷиноятии Вазорати адлияи Тоҷикистон ба "Азия-Плюс" таъйид кард. Ҳамчунин наздикони Одинаев ба Радиои "Озодӣ" гуфтаанд, ки ӯ баъд аз зуҳри имрӯз дар бемористон дар гузаштааст.
Гуфта мешавад маросими ҷанозаи ин соҳибкори замоне маъруф фардо, панҷшанбе дар зодгоҳаш, деҳаи Дараи Калоти ноҳияи Ҳамадонӣ баргузор мешавад.
Раҷабалӣ Одинаве се ҳафта пеш баъди шиддат гирифтани беморияш аз зиндон ба бемористони "Ёрии таъҷилӣ"-и Душанбе интиқол ёфта буд, ки баъдан дар бемористон ҷарроҳӣ шуд.
Мансурҷон Умаров, сардори Сарраёсати иҷрои ҷазои ҷиноятии Вазорати адлия ҳафтаи гузашта ба "Азия-Плюс" гуфта буд, ки вазъи саломатии Раҷабалӣ Одинаев муассис ва роҳбари пешини ширкати "Умед-88" "баъди ҷарроҳӣ хуб аст ва зери назорати табибон қарор дорад".
Вазъи саломатии Раҷабалӣ Одинаев, ки ба иттиҳоми азхудкунии воситаҳои давлатӣ, камомад ва ғайримақсаднок истифода бурдани қарз ба 24 соли зиндон маҳкум шуда буд, се ҳафта пеш бад шуда ба беморхонаи «Ёрии таъҷилӣ» интиқол дода шуда буд.
Ба иттилои манбаъ, бемории Одинаев якбора хуруҷ карда, ӯ ба беморхона интиқол ва ҷарроҳӣ шуд.
«Одинаев саломатияш бад мегардад ва ба беморхона интиқол гардид. Ӯ аз дарди меъда азият кашид ва баъди ташхис маълум гардид, ки ӯ ба ҷарроҳӣ ниёз дорад".
Умаров гуфта буд, ки онҳо намегузоранд ҳуқуқи маҳбусон ба табобат поймол гардад ва дар ҳама ҳолат аз ҳуқуқи онҳо дифоъ хоҳанд кард. Ба назари ӯ, ҳар маҳбусе, ки бемор мегардаду баъди ташхис ба ҷарроҳӣ эҳтиёҷ дошта бошад, ҳатман ба беморхона интиқол дода мешавад ва ба табобат фаро гирифта мешавад. Сардори муассисаҳои ислоҳӣ гуфта буд, ки интиқоли маҳбусон барои табобат берун аз муассисаи ислоҳӣ кам набуда, тақрибан моҳе се чор нафар берун аз муассисаи ислоҳӣ ба табобат фаро гирифта мешаванд.
«Маҳбусон низ инсон ҳастанд ва онҳо алакай ҷазои худро гирифта истодаанд. Вале ин маънои онро надорад, ки онҳо ҷиноят кардаанд ва ба табобат ё дигар чизҳо фаро гирифта нашванд. Баръакс барои онҳо чунин имкониатҳо дода мешавад ва ҳеҷ мушкилие барои ин пеш намеояд. Мо чандин маҳбусро аз муассисаҳои ислоҳӣ барои табобат ба беморхонаҳо интиқол додаем, ҳарчанд ҷинояти вазнин ҳам карда бошанд».
Бояд гуфт, ки 17 сентябри соли 2018 Додгоҳи олии Тоҷикистон раҳбари ширкати «Умед-88»-ро барои 24 сол равонаи зиндон кард.
Раҷабалӣ Одинаев 14 октябри соли 2017 боздошт шуда буд. Он замон зикр гардида буд, ки ширкат аз Вазорати молия дар ҳаҷми 170 млн. сомонӣ қарз гирифта, наздик ба 4 сол аст, ки онро ба давлат баргардонида наметавонад.
Ширкати “Умед-88” муддати беш аз 20 сол ба воридот ва фурӯши чаканаи маҳсулоти нафтӣ дар Тоҷикистон машғул буд. Ширкат асосан аз Русия ва Қазоқистон бензин ва сӯзишвории дизелӣ ворид мекард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста