Вазорати корҳои дохилӣ аз як ҳодисаи кордзанӣ дар шаҳри Душанбе хабар медиҳад, ки бар пайи он як нафар захм бардоштааст. Ин ҳодиса  рӯзи 23-юми январ рух додааст.

Бино ба иттилои дафтари ВКД нафари гумонбар дар ин ҳодиса аз сӯйи кормандони ШВКД-2-и ноҳияи Сино дастгир шудааст. 

"Номбурда, 23-юми январи соли 2022, тахминан соати 10:30- дақиқа, дар назди бинои истиқоматиаш, воқеъ дар кӯчаи Зарафшони шаҳри Душанбе аз ҳиссиёти авбошӣ бе ягон асос бо марди 32-солаи сокини шаҳри Ваҳдат ҷангу ҷанҷол карда, ӯро лату кӯб намуда, бо корд 1-маротиба ба бадани ӯ задааст",-овардааст ВКД.

ВКД мегӯяд, ки нафари захмишуда дар беморхона бистарӣ гардидааст.

Вазорат ҷузъёити дигари ин ҳодсаро нашр накарда, танҳо гуфтааст, ки дар мавриди "ҳолати мазкур тафтишот идома дорад".

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.