- Суди Невскии шаҳри Санкт-Петербург беамалии мақомоти тафтишот дар ҷараёни таҳқиқи марги тифли панҷмоҳа аз Тоҷикистон Умаралӣ Назаровро ғайриқонунӣ эътироф кард, - хабар медиҳад «Новая газета».
Адвокатҳои ҷабрдидагон дар ин бора ба суд шикоят бурда, судя муайян кардааст, ки муфаттиш Александр Ожиганов ва роҳбарони ӯ ҷабрдидагон ва ҷониби ҳимояи онҳоро дар бораи дароз кардани муҳлати тафтиш, таъини ташхис ва натиҷаҳои он ва рад шудани таҳқиқи судиву тиббӣ огоҳ накарда, ҳамчунин ҷабрдидагонро бо маводи парванда шинос накардаанд.
Дар фурсати наздиктарин ба ҷабрдидагон - волидони тифл Заррина Юнусова ва Рустам Назаров бояд ҳамаи асноди тиббӣ дар бораи марги фарзандашон расонида шавад, ки аз моҳи октябри соли 2015 бо онҳо шинос нестанд. Гузашта аз ин, мақомоти тафтишот ба таъини ташхиси мустақили судиву тиббӣ уҳдадор шудааст, то ки сабаби марги кӯдак муайян карда шавад.
Ёдрас мекунем, ки кӯдаки 5-моҳаи муҳоҷирон аз Тоҷикистон Заррина Юнусова ва Рустам Назаров - Умаралӣ Назарови 5-моҳа ҳангоми рейди кормандони Хадамоти федералии муҳоҷират дар шаҳри Санкт-Петербург субҳи рӯзи 13 октябр аз модараш гирифта шуда, баъди чанд соат аз ҷониби кормандони пулис ба бемористони кӯдаконаи ба номи Симбалин фиристода шуд ва нимашаби ҳамон рӯз дар ин бемористон фавтид. Аз рӯи ин далел парвандаи ҷиноӣ боз шуда буд.
Дар ҷараёни санҷиши хидматӣ ВКД ба хулоса расид, ки мақомоти ҳифзи ҳуқуқ дар ин ҳолат аз рӯи қонун амал кардаанд, вале дигар ниҳодҳо мақомоти пулисро дар ин ҳодиса гунаҳкор донистанд.
Ғайр аз ин, нахуствазири Русия ба президенти Тоҷикистон Эмомалӣ Раҳмон ваъда дода буд, ки ҳодисаи марги кӯдаки тоҷик дақиқан мавриди тафтиш қарор дода хоҳад шуд.
Аввали моҳи апрел сардори Сарраёсати ВКД Русия дар шаҳри Санкт-Петербург ва вилояти Ленинград Сергей Умнов иттилоъ дода буд , ки аз қазияи марги тифли тоҷик Умаралӣ Назарови 5-моҳа мақомоти пулис хулосаҳои даркорӣ баровардаанд.
Зери шиори “дастгирии истеҳсоли ватанӣ”. Волидайнро маҷбур доранд пойафзори мактабиро аз як корхона харанд
Шиносоии Эмомалӣ Раҳмон аз ҷараёни корҳои сохтмонӣ дар НБО “Роғун”
Маҳдудияти нави Толибон. Мардон шими ҷинс напӯшанд ва мӯйи сари худро “ғайриисломӣ” ороиш накунанд
Ба довталабони Хуҷанд ва Душанбе тарзи ба донишгоҳҳои Русия ва Белорус дохил шуданро мегӯянд
"Модарам маро аз фарзандонам ҷудо кард". Чӣ гуна гирифторони ВНМО дар Тоҷикистон ба табъиз дучор мешаванд?
КҲФ аз хатари омадани сел дар маҳалҳо дар ду рӯзи наздик огоҳ кард
“Дар дилхоҳ ҷой метавонанд харанд”. Шарҳи Вазорати маориф ва илм ба баҳси хариди иҷбории сару либоси мактабӣ
“Аудиокитоб” бо Субҳон Ҷалилов. Маснавии маънавӣ. Ҳикояи "Хӯрандагони бачаи фил"
Эмомалӣ Раҳмон як хатти интиқоли барқи НБО “Роғун”-ро ба истифода дод
Нархи чипта 900 сомонӣ. Парвози ҳавопаймо ба Хоруғ дигарбора барқарор шуд
Кулли ахбор
Авторизуйтесь, пожалуйста