25 соли зиндон барои куштани хешовандони шавҳар. Тариқи доимо ба хӯрок илова кардани заҳр ин зан 30 нафарро заҳролуд кард, ки 2 тан аз онҳо ҷон бохтанд. Шавҳараш даст ба худкушӣ зад.
Тавре ба «Азия-Плюс» судяи суди вилояти Хатлон Зубайдулло Маҳмудзода хабар дод, суд Моҳпора Ҳимматоваи 37-соларо мутобиқи се моддаи Кодекси ҷиноӣ гунаҳкор эътироф намуда, айби ӯ дар ҷараёни судӣ пурра исботи худро ёфтааст: ӯ дар куштани ду хешованди шавҳараш, то ба худкушӣ оварда расонидан ва заҳролуд кардани 30 кас муттаҳам дониста шуд.
«Ӯ соли 2014 бо Мирзошо Насриддинов издивоҷ карда, дар деҳаи Пахтакори ҷамоати К.Сайфиддинов зиндагӣ мекарданд. То замони ҳабс ӯ тариқи ба хӯрок илова намудани заҳрҳо мехостааст, ки ҳамаи аъзои оилаи ҳамсарашро кушта, соҳибхоназани комилҳуқуқи оилаву манзил гардад, - гуфт судя. - Аз ин амалҳои ӯ аввал бародари шавҳараш - Мирхӯҷа Насриддинов ва баъдан духтари ноболиғи ӯ ҳалок шуда, ҳамчунин бинобар сабаби ин корҳо шавҳараш даст ба худкушӣ зад».
Суд Моҳпора Ҳимматоваро ба 25 соли зиндон маҳкум намуда, вале мувофиқи моддаи 7 Қонуни ҶТ «Дар бораи авф» аз 24 августи соли 2016, муҳлати ҷазои ӯ 1/4 ҳисса кам шуд.
Дар ҳамин ҳол, адвокати маҳкумшуда Шералӣ Қарахонов бо ҳукми суд норозӣ ва онро «ғайримунсифонаву ғайриқонунӣ» хонда, мегӯяд, далелҳо танҳо ба гумонҳои тафтишоти пешакӣ асос ёфта, шоҳидон низ исбот карда натавонистанд, ки зерҳимояаш ба хӯрокҳо заҳр илова мекардааст.
Дар робита ба гуноҳи то худкушӣ оварда расонидани шавҳараш адвокат изҳор намуд, ки ин ҷо низ зерҳимояаш гунаҳкор нест, зеро он замон муддати 15 рӯз дар хонаи хешовандонаш қарор доштааст.
«Шавҳараш дар ҳолати мастӣ аз шароб даст ба худкушӣ зада, дар ин кор зерҳимояи ман айбе надорад, - иброз дошт ӯ. - Мо ба ҳукми суд норозӣ буда, аз болои ин шикояти таҷдиди назар пешниҳод кардем ва акнун парванда ҷиҳати баррасӣ ба Суди олии ҷумҳурӣ фиристода мешавад».
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Кулли ахбор
Авторизуйтесь, пожалуйста