Кормандони шуъбаи минтақавии мубориза бо ҷинояткории муташаккили ВКД Тоҷикистон дар вилояти Суғд як гурӯҳи иборат аз 6 нафарро ҳангоми кӯшиши аз Тоҷикистон ба хориҷи кишвар интиқол додани асъори хориҷӣ - 29 млн. рубли русӣ ва 67 ҳазор доллар боздошт намуданд.
Тавре ба «Азия-Плюс» роҳбари маркази матбуоти Раёсати ВКД дар вилояти Суғд Акбар Шарипов хабар дод, аъзои гурӯҳ ҳафтае 1-3 маротиба бо ин васила асъори хориҷӣ - пулҳои соҳибкорони бозорҳои «Коврон» ва «Султони Кабир»-и шаҳри Душанберо ба хориҷ мебаровардаанд.
«Пулҳоро тариқи қочоқ бо минтақаи наздисарҳадии Чилгазии шаҳри Исфара мебароварданд, - гуфт Шарипов. - Ба гурӯҳ сокинони ноҳияи Рӯдакӣ, шаҳрҳои Душане ва Исфара шомил буда, се тан аз онҳо ба ҳайси пулбарандагон (инкассатор) кор мекарданд».
Ин асосан пулҳои соҳибкорони маҳаллӣ мебошад, ки аз боздоштшудагон барои ғайриқонунӣ ба хориҷа фиристодани воситаҳояшон бо мақсади хариди молу маҳсулот истифода мебурдаанд.
Ба гуфтаи ӯ, нисбати боздоштшудагон бо моддаи 32, қ. 2 (. Тайёрӣ ба ҷиноят, суисқасди ҷиноят) ва моддаи 289, қ. 2 (Контрабанда (қочоқ) парвандаи ҷиноӣ боз шуда, тафтишот идома дорад.
Акабар Шарипов ҳамчунин зикр кард, ки тадбирҳои ошкор сохтани дигар аъзои гурӯҳи ҷиноятпеша ва роҳи интиқоли асъори хориҷӣ аз ҷониби кормандони шуъба идома дорад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
Кулли ахбор
Авторизуйтесь, пожалуйста