Парванда нисбати раиси Ҳизби фаъолияташ дар Тоҷикистон манъшудаи наҳзати исломӣ Муҳиддин Кабирӣ ғоибона аз ҷониби судяҳои Суди олӣ дар реҷаи пӯшида мавриди баррасӣ қарор дорад, хабар дод зимни нишасти хабарии рӯзи 23 июл раиси Суди олии Тоҷикистон Шермуҳаммади Шоҳиён.
«Парвандаи ҷиноятӣ нисбати Муҳиддин Кабирӣ ба баррасии Суди олӣ пешниҳод шуд. Айни замон судя расман парвандаро баррасӣ мекунад. Ҳозир мурофиа ҷараён дорад. Парванда дар реҷаи пӯшида баррасӣ мешавад. Вақте қарори суд оид ба ин парванда қабул шавад, мо шуморо огоҳ мекунем», - гуфт ӯ ба журналистон.
Ба қавли ӯ, Кабирӣ аз ҷумла ба содир намудани ҷиноятҳо мутобиқи моддаҳои 107 (Одамкушӣ дар ҳолати аз ҳадди мудофиаи зарурӣ баромадан), 189 (Барангехтани кинаю адовати миллӣ, нажодӣ, маҳалгароӣ ва ё динӣ), 199 (Тасарруфи яроқ, лавозимоти ҷангӣ, моддаҳои тарканда ва воситаҳои таркиш), 195 (Ғайриқонунӣ соҳиб шудан, ба дигарон додан, ба соҳибияти каси дигар додан, нигоҳ доштан, интиқол додан гирифта гаштани яроқ, лавозимоти ҷангӣ, моддаҳои тарканда ва воситаҳои таркиш), 306 (Бо зӯроварӣ ғасб намудани ҳокимият ё бо зӯроварӣ нигоҳ доштани ҳокимият), 313 (Исёни мусаллаҳона), 307 (Даъвати оммавӣ барои бо роҳи зӯроварӣ тағйир додани сохти конститутсионии ҶТ) ва дигар моддаҳои Кодекси ҷиноии Тоҷикистон гумонбар дониста мешавад.
Зимнан зикр гардид, ки нисбати Муҳиддин Кабирӣ дар маҷмӯъ ғоибона ба содир намудани ҷиноятҳо аз рӯи 16 моддаи Кодекси ҷиноӣ айбнома пешниҳод шудааст.
Муҳиддин Кабирӣ, роҳбари Ҳизби фаъолияташ дар Тоҷикистон манъшудаи наҳзати исломӣ моҳи марти соли 2015 Тоҷикистонро тарк кард Моҳи сентябри соли 2015 ҲНИТ созмони террористӣ ва ифротгаро эътироф шуд. То сентябри соли 2016 ҲНИТ ягона ҳизби расман амалкунандаи динӣ дар Осиёи Марказӣ маҳсуб меёфт.
Раҳбарияти ҳизбро ба даст доштан дар ошӯби мусаллаҳонаи собиқ муовини вазири мудофиа Абдуҳалим Назарзода гунаҳкор донистанд. Моҳи июни соли 2016 14 узви Шӯрои сиёсии ҲНИТ ба муҳлатҳои гуногуни зиндон, аз ҷумла ду нафари онҳо ба ҳабси абад маҳкум шуданд.
Соли 2017 парлумони ҷумҳурӣ тағйирот ба Кодекси мурофиавии ҷиноятиро маъқул шуморид, ки мувофиқи он нисбати ҷинояткорони махсусан хатарнок, ки дар берун аз қаламрави кишвар қарор доранд, истифодаи содир шудани ҳукми ғоибона имконпазир гардид.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Кулли ахбор
Авторизуйтесь, пожалуйста