Комиссияи махсуси Прокуратураи ҳарбии Тоҷикистон дар ҳайати намояндагони Қушӯнҳои сарҳадиии КДАМ сабаби ба худкушӣ даст задани сарбозро муайян мекунад.
Сарҳадбон Аваз Набиеви 22-сола ҳангоми дар рухсатии хизматӣ будан дар хонаи волидонаш дар ноҳияи Вахш даст ба худкушӣ зад.
Ҷасади овезони сарбоз бе аломатҳои марги маҷбурӣ субҳи рӯзи 22 август дар назди трансформатори назди манзили волидонаш дарёфт шуд.
Тавре ба “Азия-Плюс” котиби матбуотии Қушӯнҳои сарҳадии КДАМ Тоҷикистон подполковник Муҳаммад Улуғхоҷаев дар ин робита хабар дод, Аваз Набиев аз моҳи майи соли 2017 дар дастаи сарҳадии КДАМ дар ноҳияи Ишкошим адои хизмат мекард.
Барои хизмати намунавӣ пеш аз Иди Қурбон ба Набиев рухсатӣ дода мешавад. Ғайр аз ин пас аз ид тӯйи бародараш дар назар буд.
Бино ба маълумоти Радиои Озодӣ, ин сарбози тоҷик бо навиштае дар рӯи хок, дар маҳалле, ки худро куштааст, аз падару модар узр пурсида ва тӯйро ба бародараш табрик гуфтааст.
Наздиконаш гуфтанд, ки Аваз Набиев рӯзи 20-уми августи имсол ба ноҳия омад ва ҳамагӣ ду рӯз ҳамроҳи онҳо зист. "Субҳи 22-юми август худашро ба дор овехтааст. Ҷасадашро яке аз ҳамсояҳо аз назди трансформатори назди бино ёфта, моро хабардор кард. Ҳамон шаб дар хона ҳамроҳи дигар аъзои оила хоб буд. Чӣ гуна субҳ хеста ва ба ин кор даст задааст, рӯшан нест", - гуфтааст яке аз наздикони Аваз Набиев дар суҳбат бо Радиои Озодӣ.
Комиссияи махсуси Прокуратураи ҳарбӣ ба ҷуз волидон, наздикону шиносҳо, ҳамчунин ҳамхизматони сарбозро бозпурсӣ карданист, то ки сабаби ба худкушӣ даст задани ӯ муайян карда шавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста