Кабир Кабиров аз рӯи далели содир намудани садамаи нақлиёти марговар зимни идораи автомашинаи тамғаи “Лексус-450” боздошт ва дар тавқифгоҳи муваққатӣ (СИЗО) қарор дорад, хабар доданд ба “Азия-Плюс” аз Раёсати ВКД Тоҷикистон дар шаҳри Душанбе.
“Ӯ субҳи рӯзи 24 март боздошт ва айни замон дар тавқифгоҳи муваққатӣ қарор дорад. Кабиров дар роҳ додан ба қоидавайронункунӣ зимни ҳаракат дар роҳ (қ. 3, моддаи 212 КҶ ҶТ) айбдор карда мешавад”, - гуфт як манбаъ аз РВКД.
Дар қисми 3-юми моддаи 212 Кодекси ҷиноятии Тоҷикистон ҷазои маҳрумият аз озодӣ ба муҳлати аз 5 то 10 сол пешбинӣ шудааст.
Дар ҳамин ҳол, манбаъ маълумоти маст будани Кабировро аз машрубот зимни рух додани садама ва дар натиҷаи барпо кардани пойга ба вуқӯъ пайвастани ин ҳодисаро рад кард.
“Ба воситаи камераҳои “Шаҳри бехатар” мо муайян кардем, ки то рух додани ҳодиса ӯ ба қонуншикание роҳ надода, дар чароғакҳо мошинро бозмедошт. Фарзияи дар ҳолати мастӣ аз машрубот будани ӯ низ тасдиқ нашуд”, - хабар дод манбаъ.
Аз бемористони “Истиқлол” хабар доданд, ки пас аз садама Кабир Кабиров бо ҷароҳатҳои начандон вазнин назди онҳо оварда шудааст.
“Пас аз садамаи санаи 23 март ӯ бо ҷароҳатҳои начандон вазнин дар палатаи оддӣ бистарӣ шуда буд. Вазъаш муътадил ба ҳаёташ чизе таҳдид намекард. Суҳи рӯзи 24 март ӯро аз бемористон бурданд”, - хабар доданд ба “Азия-Плюс” аз беморхона.
Ҳамчунин аз беморхонаи мазкур хабар доданд, ки вазъи солимии ҷабрдида дар ин садама Саидвалӣ Убайдуллоев вазнин арзёбӣ мешавад.
“Саидвалӣ Убайдуллоев дар шуъбаи эҳёгарии беморхона бстарӣ буда, вазъи солимиаш доимо вазнин аст. Ӯ аз майнаи сараш зарб хӯрда, боз ҷароҳатҳои дигар бардоштааст”, - хабар дод ба “Азия-Плюс” мудири шуъбаи эҳёгарии беморхонаи “Истиқлол” Назар Отақулов.
Ёдрас мекунем, ки шаби 23 март Кабир Кабирови 19-сола, писари молики бозори “Султони Кабир” дар Душанбе Аваз Кабиров, зимни идораи автомашинаи “Лексус-450” дар хиёбони Рӯдакӣ, дар маркази пойтахт ба садама дучор шуда, дар натиҷа ду муофири автомашина – Саидҷаъфар Саидови 19-сола ва Некзода Саҳобиддинзодаи 19-сола ҳалок шуданд.
Ронанда ба зиёд шудани суръати аз меъёр баланд роҳ дода, автомашина нахуст ба панҷараи бетонии назди бинои парлумон ва сипас ба симчӯб бармехӯрад.
Кабир Кабирови 19-сола донишҷӯи курси 1-уми факултаи муносибатҳои байнулмилалии Донишгоҳи миллии Тоҷикистон мебошад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста