Зимни гузориш дар Идораи ҳуқуқи инсони Созмони Милали Муттаҳид дар шаҳри Женева доир ба риояи ҳуқуқи муҳоҷирон прокурори генералии Тоҷикистон Юсуф Раҳмон изҳор намуд, ки соли гузашта дар берун аз кишвар 27 нафар шаҳрвандони Тоҷикистон кушта шудаанд, ки назар ба соли 2017 камтар будаст. Дар соли 2017 дар хориҷ 49 шаҳрванди Тоҷикистон кушта шудаанд.
Бино ба маълумоти Радиои Озодӣ, тибқи омори пешниҳодкардаи ӯ, 2013 барои муҳоҷирони кории тоҷик соли аз ҳама хунин будааст. Дар соли 2013 дар хориҷа 94 нафар шаҳрвандони Тоҷикистон кушта шудаанд. Додситони кул гуфтааст, дар соли 2014 - 59 нафар, 2015- 39 нафар ва соли 2016 -56 шаҳрванди Тоҷикистон дар хориҷ аз кишвар кушта шуданд.
Юсуф Раҳмон аз кишвари мушаххасе ном набурда, аммо гуфтааст, мақомоти ҳифзи ҳуқуқи Тоҷикистон, аз ҷумла Додситонии кул аз рӯи ҳар ҳодисаи куштори шаҳрванди Тоҷикистон ба мақомоти кишвари дахлдоре, ки шаҳрванд он ҷо кушта, шудааст дархост мефиристанд.
“Ҷараёни таҳқиқи ҳар парвандаи ҷиноии марбут ба куштори шаҳрванди Тоҷикистон таҳти назорати доимии сафорат ва намояндагиҳои дипломатӣ қарор дорад", - иброз доштааст прокурори генералии ҷумҳурӣ.
Гуфта мешавад, бар асоси гузориши расмии Омбудсмени Тоҷикистон, соли гузашта аз Русия ба Тоҷикистон тобути 966 муҳоҷир оварда шудааст, ки дар муқоиса ба соли 2017 беш аз 90 ҳолат зиёд аст.
Қобили зикр аст, ки кори иҷлосияи 30 Кумитаи СММ оид ба ҳимояи ҳуқуқҳои муҳоҷирони корӣ ва аъзои оилаи онҳо дар Женева то 12 апрел идома меёбад. Ин гузориши дуюми марҳилавии Тоҷикистон назди Кумита буда, гузориши аввал соли 2004 пешниҳод гардида буд.
Тоҷикистонро дар Женева прокурори генералӣ Юсуф Раҳмон, вазири меҳнат, муҳоҷират ва шуғли аҳолии кишвар Сумангул Тағойзода, роҳбари Агентии омор Гулнора Ҳасанзода, сардори Раёсати кафолати ҳуқуқҳои инсони Дастгоҳи иҷроияи президент Абдуҷаббор Сатторзода намояндагӣ мекунанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Раҳимзода: “Баъзе ҷинояткорон дар Италия бо баҳонаи паноҳандагӣ пинҳон гаштаанд”
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Кулли ахбор
Авторизуйтесь, пожалуйста