Кормандони милитсия сокини 37-солаи ноҳияи Зафарободи вилояти Суғдро боздошт намуданд, ки дар пойтахт ба соҳибкорӣ машғул буд.
Бино ба иттилои маркази матбуоти ВКД Тоҷикистон, боздоштшуда муддати 7 моҳ тариқи қочоқ аз Ӯзбекистон ба Тоҷикистон ғайриқонунӣ ба маблағи умумии беш аз 4 млн. 300 ҳазор сомонӣ оби ҷав (пиво) ворид кардааст.
Ба ҷуз қочоқ, соҳибкор метавонад барои ғайриқонунӣ гузаштани сарҳад низ ба ҷавобгарӣ ҷалб шавад: аз моҳи июли соли гузашта то моҳи феврали соли равон ӯ 30 маротиба сарҳади давлатии ду кишварро гузаштааст.
Зимнан зикр мегардад, ки оид ба ин ҷиноят аз тарафи Прокуратураи генералии Тоҷикистон тафтишот идома дорад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.