Баҳри таъмини бехатарии ҳаракати воситаҳои нақлиёт, пешгирии қоидавайронкуниҳои ҳаракат дар роҳ ва танзими ҳамлу нақли мусофирон аз ҷониби кормандони БДА дар шаҳри Душанбе рейд ва корҳои фаҳмондадиҳӣ гузаронида шудааст.
Вобаста ба ин ҷиҳати баланд бардоштани интизоми иштирокчиёни ҳаракат дар роҳ, пешгирӣ ва бартарафсозии ҳолатҳои дар ҷойҳои муқарранашуда таваққуф кардани воситаҳои нақлиёт аз ҷониби нозирон амалиёти мақсаднок ташкил ва гузаронида мешавад, иттилоъ медиҳад ВКД.
Аммо яке аз масъалаҳое, ки ҳанӯз ҳам ташвишовар боқӣ мондааст, тамбашавии сунъии воситаҳои нақлиёт мебошад. Чуноне таҳлилҳо нишон медиҳанд маҳз нодуруст дар қатору дуюми сеюм таваққуф намудани воситаҳои нақлиёт сабабгори ба вуҷуд омадани чунин ҳолатҳо гардидааст.
Мутаассифона, сарфи назар аз баргузории маҷмӯи чорабиниҳои профилактикӣ, рейду амалиёт ва таъкидҳои ҳамешагӣ, ҳамоно ҳастанд ронандагоне, ки талаботи ҳатмии Қоидаҳои ҳаракат дар роҳро нодида гирифта, дар аксар маврид автомашинаҳои шахсиашонро дар дохил ва ё наздикии истгоҳҳои шаҳрӣ, дар қатори дуюму сеюм ва дигар ҷойҳои номуқарраршуда таваққуф намуда, тамбашавии сунъии роҳҳои нақлиётгарди пойтахтро ба вуҷуд меоранд.
Чунончи бетартибиҳое, ки дар вақти гузаронидани рейду амалиёт аз ҷониби кормандони Шуъбаи бозрасии давлатии автомобилии шаҳри Душанбе ошкор гардид, дар бештари маврид маҳз бо айби ронандагони воситаҳои нақлиёти бо истилоҳ «таксӣ» ва шахсони воқеӣ, ки дар қатори дуюм дуру дароз таваққуф карда, ба ҳаракати бемамониати воситаҳои нақлиёти маршрути ҷамъиятӣ халал мерасонанд, ба амал омадааст.
Нисбат ба он ронандагоне, ки Қоидаҳои ҳаракат дар роҳро вайрон намуда, ба ҳаракати воситаҳои нақлиёти ҷамъиятӣ монеа эҷод карда, тибқи талаботи моддаи 324 Кодекси ҳуқуқвайронкунии маъмурии ҶТ протоколҳои маъмурӣ тартиб дода шуданд.
Мақомоти милитсияи шаҳри Душнабе бори дигар аз кулли ронандагони воситаҳои нақлиёт хоҳиш кардааст, ки талаботи Қоидаҳои ҳаракат дар роҳро ҳамаҷониба риоя намоянд. Бо гузоштани автомашинаҳои шахсиашон дар истгоҳҳо ва ҷойҳои манъшуда ба ҳаракати бемайлони воситаҳои нақлиёти мусофиркашон халал ворид накунанд, то тамбашавии воситаҳои нақлиёт дар роҳҳои пойтахт бартараф шуда, шаҳрвандон сари вақт ба коргоҳу манзили худ бирасанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста