Дар маҳаллаи 103-и пойтахт муҳассили Донишгоҳи аграрии Тоҷикистон як ҷавони 20-соларо бо корд захмӣ карда, аз ҷойи ҳодиса гурехтааст.
Маркази матбуоти Раёсати ВКД дар шаҳри Душанбе хабар медиҳад, ки ҳодисаи мазкур шоми 12-уми октябр, соати тахминан соатҳои 17:30 рух додааст. Донишҷӯйи ДАТ Ифтихор Толиҳов, соли таваллудаш 2000, зодаи шаҳри Ваҳдат бо Амирҷон Бобоев, соли таваллудаш 1999 ва Муҳаммадшариф Зокиров, соли таваллудаш 1998, ҳар ду зода ва истиқоматкунандагони ноҳияи Сино, кӯчаи А.Ғуломов ҳангоми дар роҳи пиёдагарди бинои №42-и кӯчаи Б.Ғафуров (маҳаллаи 103) қарор доштанашон байни ҳам муноқиша мекунанд.
Зимнан Ифтихор Талиҳов бо истифода аз корд ба қисмати чапи шиками Амирҷон Бобоев зада, аз ҷойи ҳодиса фирор кардааст. Бо ёрии атрофиён Амирҷон ба беморхонаи шаҳраки “Шифобахш” (Қарияи боло) интиқол ёфтаву бистарӣ шудааст.
Дар натиҷаи гузаронидани чорабиниҳои оперативӣ-ҷустуҷӯйӣ донишҷӯйи кордзан Ифтихор Толиҳов дастгир шудааст. Дар мақомоти милитсияи пойтахт сабабу омилҳои ин ҷинояти вазнин таҳқиқ мешавад.
Натиҷаҳои аввалини тафтишот муайян кардааст, ки шаҳрвандон Ифтихор Толиҳов, Амирҷон Бобоев ва Муҳаммадшариф Зокиров бо ин рафторашон тартибот ва оромии ҷамъиятиро муддати 10-15 дақиқа ба таври дағалона вайрон кардаанд.
Дар робита ба ҳодисаи мазкур нисбат ба Ифтихор Толиҳов бо моддаи 237 қисми 3 (Авбошӣ бо истифода аз силоҳи сард), нисбат ба Амирҷон Бобоев ва Муҳаммадшариф Зокиров бо моддаи 237 қисми 2 (Авбошӣ дар ҳайати гуруҳӣ) парвандаи ҷиноятӣ оғоз шуда, тафтишоти пешакӣ идома дорад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
Кулли ахбор
Авторизуйтесь, пожалуйста