Кормандони милитсия се нафар сокинони вилояти Хатлонро ба гумони даст доштан да як силсила ҷиноятҳои дуздӣ боздошт намуданд.

Тавре маркази матбуоти ВКД Тоҷикистон хабар медиҳад, ду нафари онҳо қаблан доғи судӣ доштаанд.

Дар асоси аризаҳои сокинони ноҳияҳои Кӯшониён, Шаҳритуз ва шаҳри Бохтар ба Шуъбаҳои ВКД бобати аз ҷониби шахсони номаълум дуздида шудани маблағҳои пулӣ, ҷавоҳироти тилоӣ, чорвоҳои шохдор ва ашёҳои рӯзгорашон, гурӯҳи фаврӣ-ҷустуҷӯӣ таъсис дода шуда, дар муддати кӯтоҳ гумонбарони ҷинояти дуздӣ дастгир шуданд.

“Сокини шаҳри Бохтар Баҳодур Худойназарови 32-сола, дар 4-ҳолати ҷинояти дуздӣ гумонбар дониста шуда, шабона тариқи пинҳонӣ вориди манзилҳои истиқоматии сокинони шаҳри Бохтар ва ноҳияи Кӯшониён гашта, аз он ҷо телевизор, кондитсионер, мошинаҳои дарздузӣ ва ҷавоҳироти тиллоиро тасарруф менамояд”, - омадааст дар маълумот.

Сурат: ВКД ҶТ

Гуфта мешавад, сокини ноҳияи Кӯшониён Далерҷон Шамсиеви24-сола ҳангоми дар манзили истиқоматии сокини ноҳияи Кӯшониён Уран Нурматов ба ҳайси устои таъмиргар кор карданаш маблағи 1000 сомониро дуздида, аз ҷои ҳодиса ғайб мезанад.

Зикр мегардад, ки ин ду нафар пеш бо моддаи 244 Кодекси ҷиноятии ҶТ (Дуздӣ) ба ҷавобгарии ҷиноятӣ кашида шуда, солҳо адои ҷазо карда бошанд ҳам, ба худ аз ин хулосаи лозимӣ набароварда, такроран даст ба ҷинояти дуздӣ задаанд.

Ба иттилои манбаъ, гумонбари сеюм сокини ноҳияи Шаҳритус Салом Жоназарови 27-сола дар дуздии чорвоҳои хурду калони шохдор, моторҳои барқии обӣ, асбобҳои кафшергарӣ ва дигар ашёҳои рӯзгори сокинон гунаҳкор донмиста шуда, дар 5 ҳолати дузии моликият гумонбар дониста мешавад.

Айни замон ин се нафар гумонбарон дар ҳабси пешакӣ қарор дошта, нисбаташон дар шуъбачаҳои тафтишотии ШВКД дар шаҳри Бохтар, ноҳияи Кӯшониён ва ноҳияи Шаҳритуз бо моддаи 244 Кодекси ҷиноятии ҶТ парвандаҳои ҷиноятӣ оғоз гардида, тафтишот идома дорад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.ДзенOK ва Google Новости бо мо бимонед.