Гуруҳе аз созмонҳои ҳимояи ҳуқуқи инсон ва расонаӣ бо ирсоли як номаи расмӣ, ки нусхае аз он дар ихтиёри "Asia-Plus" қарор гирифт, ба Хадамоти алоқаи назди Ҳукумати Ҷумҳурии Тоҷикистон аз ин ниҳод хостаанд, ки қатъ шудани дастрасӣ ба шабакаи Интернет, тақрибан аз соати 19.40 то 20.51-и шаби 16 сентябр дар тамоми қаламрави кишварро, расман шарҳ диҳад. Дар ин нома, ҳамчунин аз ин ки то кунун ҳеч шарҳи расмӣ ё изҳороти сохторҳои марбута манзури омма нашудаст, изҳори таассуф кардаанд.
Дар ин нома, ки зери он созмонҳое чун “Маркази мустақил оид ба ҳифзу ҳуқуқи инсон”, “Дунёи ҳуқуқ”, “Анҷумани миллии воситаҳои ахбори оммаи мустақили Тоҷикистон” ва чанд вакили дифоъ имзо гузоштаанд, гуфта мешавад, ки “дастрасӣ ба Интернет барои амалӣ намудани ҳуқуқҳои дигар, алалхусус ба таҳсил, ҳуқуқи иштирок дар ҳаёти иҷтимоӣ, фарҳангӣ, сиёсӣ, инчунин озодии иттиҳодияҳо ва васоити ахбори омма зарур” аст.
Муаллифони нома гуфтаанд, ки “Созмони миллаи Муттаҳид ҳуқуқи дастрасӣ ба Интернетро ҳамчун ҳуқуқи ҷудонашаванди инсон эътироф кардааст. Ҳамин тариқ, аз моҳи июни соли 2011 канда шудани минтақаҳои мушаххас аз шабакаи ҷаҳонии интернет нақзи ҳуқуқи инсон дониста мешавад”. Ҳамчунин ба навиштаи ин мактуб дастрасӣ ба Интернет ҳамчунин шомили дигар санадҳои байналмилалӣ низ гаштааст, ки кишварҳои узвро барои таъмини ин ҳақ водор мекунад. Муаллифон бе далел қатъ шудани интернетро маҳрум намудани ҳаққи дастрасӣ ба иттилоот ва хилофи қонунгузориҳои милливу байналмилалӣ донистаанд.
Дар ин нома изҳори нигаронӣ шудааст, ки аз ҷониби мақоми ваколатдор бе огоҳии пешакӣ қатъ кардани интернет сару садоҳои гуногунро дар ҷомеа ба бор меорад ва ба соҳаи иқтисоди кишвар зарар мерасонад.
Дар поёни ин мактуб муаллифони нома аз Хадамоти алоқа хостаанд, ки далелҳои расмии қатъ шудани Интернетро дар як посухи хаттӣ шарҳ диҳад.
Бояд гуфт, ки шаби 16-уми сентябр, тақрибан аз соати 19.40 то 20.51 дастрасӣ ба интернет дар тамоми қаламрави Тоҷикистон аз сӯйи ҳамаи ширкатҳои таъминкунандаи интрент қатъ шуд, ки то ҳанӯз далели расмӣ ва асосии он гуфта нашудааст. Бархеҳо дар шабакаҳои иҷтимоӣ ва расонаҳо далели қатъ шудани интернетро ба суханронии Муҳиддин Кабирӣ, раиси ҳизби дар Тоҷикистон мамнуи наҳзати исломӣ рабт додаанд, ки дар ҳамин замон дар донишгоҳи Ҷорҷ Вашингтони ИМА суханронӣ доштааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста