Дар шаҳри Душанбе 2 ронандаи автомашинаи гаронарзиш барои ташкили пойгаи ғайриқонунӣ боздошт гардиданд ва онҳоро 35 ҳазор сомонӣ ҷарима таҳдид мекунад.
Бино ба иттилои РВКД дар шаҳри Душанбе, рӯзи 22 ноябр ба РВКД дар шаҳри Душанбе наворе ворид гардид, ки шаби 21 ба 22 ноябр, соати 00.58 шабона 2 нафар ронандаи воситаҳои нақлиёти гаронарзиши хориҷӣ байни ҳам пойгаи ғайриқонунӣ ташкил карда, бо таҳдиди хатар ба ҷони дигар иштирокчиёни ҳаракати роҳ дар яке аз кӯчаҳои марказии шаҳри Душанбе – кӯчаи Мирзо Турсунзода ин амали ғайриқонуниро амалӣ намудаанд.
Гуфта мешавад, ки вобаста ба ҳолати мазкур зимни гузаронидани чорабиниҳои оперативӣ-ҷустуҷӯӣ шахсияти ҳар ду ронандагон Асомиддинзода Исомиддин санаи таваллудаш 1991, истиқоматкунандаи шаҳри Душанбе, ронандаи автомашинаи тамғаи «Мерседес Бенс-350»; соҳибкор, корманди ширкати мебелсозии ҶДММ «Сафо» ва Кароматулло Иброҳимов санаи таваллудаш 1992, истиқоматкунандаи шаҳри Душанбе, ронандаи автомашинаи тамғаи «Мерседес Бенс Е-550», соҳибкор, ба хариду фуруши автомашина машғул аст, ошкору муайян ва ронандагону автомашинаҳо ба мақмомоти милитсияи шаҳри Душанбе дастрас карда шуд.
Ҳамзамон зимни санҷиш муайян карда шуд, ки дастрасшудагон Асомиддинзода Исомиддин ва Кароматулло Иброҳимов бо ҳам ҳамсинф буда, баъди як нишаст бо дигар ҳамсинфонашон ҳангоми сайругашт дар кучаҳои марказии шаҳр чунин амали хатарнокро ташкил намудаанд. Тибқи санҷиш ва нишондоди ронанда Кароматулло Иброҳимов, ҳамчунин муайян карда шуд, ки номбурда ҳангоми баргаштан ба сӯи хонааш бо сабаби аз меъёр баланд будани суръати ҳаракати воситаи нақлиёташ дар рӯ ба рӯи маркази савдои Ёвар аз уҳдаи идора набаромада, ба монеаҳои бетонии давродаври канори роҳ бархӯрдааст.
Бо назардошти ҳолати мазкур, нисбат ба ронандагон бо дастрасии моддаи 326 иловаи 1 қисми 1 Кодекси ҳуқуқвайронкунии маъмурии Ҷумҳурии Тоҷикистон парвандаҳои маъмурӣ тартиб дода шуда, ҳар ду автомашина то таъини ҷазои маъмурӣ дар ҷаримагоҳи муваққатии Раёсати ВКД дар шаҳри Душанбе нигоҳ дошта мешаванд.
Мавриди зикр аст, ки тибқи муқаррароти моддаи мазкур барои кирдори содирнамудаашон ҳар як ронандаро дар алоҳидагӣ ҷарима ба андозаи аз 250 то 300 нишондиҳанда, баробар ба аз 14 ҳазору 500 сомонӣ то 17 ҳазору 400 сомонӣ бо маҳрум кардан аз ҳуқуқи идораи воситаи нақлиёт ба муҳлати 2 сол таҳдид мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Кулли ахбор
Авторизуйтесь, пожалуйста