Мақомоти додситонии вилояти Суғд 440 нафарро, ки эҳтиёҷ ба замини наздиҳавлигӣ надоштанду аммо дар асоси қарорҳои махсус ба онҳо замин ҷудо шудааст аз рӯйихати эҳтиёҷмандон берун кардаанд. Ба ин гурӯҳ ғайриқонунӣ комиссияи ҷамъиятии шаҳру навоҳии Хуҷанд, Исфара, Бобоҷон Ғафуров, Мастчоҳ, Ҷаббор Расулов, Зафаробод, Спитамен, Деваштич, Айнӣ ва Ашт ҳамчун ниёзманд замин ҷудо кардааст, ки дар пайи эътирозҳои прокурорӣ қарорҳои комиссия бекор карда шуд.
Масъули прокуратураи вилояти Суғд дар умури ҳамкорӣ бо матбуот Пайрав Мириноят ба “Азия Плюс” гуфт, ки ин қонунвайронкуниҳо дар пайи санҷиши як соли қабл ва 9 моҳи соли ҷорӣ ошкор шуда, нисбати шахсони масъул ҷораҳои қонунӣ андешида шудааст.
“Аз ҷумла, дар баъзе маҳалҳо Комиссияҳои ҷамъиятӣ вазъи оилавии муроҷиаткунандагонро ҳамаҷониба наомӯхта, бархе аз онҳоро беасос эҳтиёҷманд эътироф карда, бархе дигарро, ки барои гирифтани қитъаи замин воқеан ҳуқуқ доштанд, ғайриэҳтиёҷманд ҳисобидаанд.”-
Манбаъ гуфт, дар шаҳру ноҳияҳои Исфара, Айнӣ ва Панҷакент солҳои тӯлонӣ ҳуҷҷатҳои тасдиқкунандаи ҳуқуқи истифодаи замин ба беш аз 2 ҳазор нафар эҳтиёҷмандон таҳия ва пешниҳод нагардидааст. Ва дар натиҷа ин нафарон саривақт ба сохтмони манзили шахсӣ шурӯъ карда натавонистаанд. Дар асоси қонун қарорҳои комиссияи ҷамъиятиро раисони шаҳру ноҳияҳо тасдиқ мекунанд.
Бино ба маълумоти мақомоти прокуратура барои бартараф кардани қонунвайронкуниҳо вобаста ба масъалаи ҷудо намудани қитъаи замин барои манзили зист 55 адад пешниҳод, 136 амр, 133 эътироз овардааст. Дар пайи ин эътироз 43 нафар кормандони масъули сохторҳои давлатӣ ба ҷавобгарии интизомӣ, 193 нафар ба ҷавобгарии маъмурӣ ва 84 нафар ба ҷавобгарии ҷиноятӣ кашида шудаанд.
Дар замони соҳибистиқлолӣ дар вилояти Суғд барои шахсони эҳтиёҷманд 13,4 га қитъаи замин ҷудо шуда барои 92 ҳазору 954 нафар вобаста карда шудааст.
Пайрав Мириноят мегӯяд, ҳолатҳои таъмин нагардидани риояи баъзе аз муқаррароти қонун дар масъалаи ҷудо намудани замин як мавзӯйи нигаронкунанда боқӣ мондааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста