Интизор меравад, ки аз моҳи март миёни Душанбеву Тошканд парвозҳои мустақими ҳавоӣ сурат бигирад. Дар ин бора ба хабаргузории «Ховар» мудири Оҷонсии ҳавонавардии шаҳрвандии назди Ҳукумати Ҷумҳурии Тоҷикистон Икром Субҳонзода хабар додааст.
Ӯ гуфтааст, ки дар ин маврид миёни ниҳодҳои ҳавонаврадии Тоҷикистону Ӯзбекистон гуфтушунид идома дорад.
«…то ба эътидол омадани вазъияти эпидемикӣ интизор меравад, ки шуруъ аз моҳи март байни Душанбе ва Тошканд парвозҳои мунтазами ҳавопаймоҳо ба роҳ монда шаванд».
Дар ҳамин ҳол, имрӯз баъд аз чандин моҳи таваққуф дар масири Тошканд-Душанбе-Тошканд нахустин парвози чартерӣ анҷом дода шуд. Парвози махсус аз сӯйи ширкати миллии ҳавопаймоии Ӯзбекистон — «Ӯзбекистон ҳаво йуллари» /Uzbekistan Airways/ сурат гирифт.
Ёдрас мешавем, ки Ӯзбакистон сарҳадҳояшро аз 16 март, пас аз он ки дар ҷумҳурӣ аввалин ҳолати сирояти коронавирус сабт шуд, комилан баст. Баъдтар хабар дода шуд, ки хадамоти байналмилалии ҳавоӣ, автомобилӣ ва роҳи оҳан то охири апрел қатъ карда шуданд ва ҳамин тур то кунун парвозҳо миёни Тошканду Душанбе анҷом дода намешаванд.
Ӯзбекистон аз моҳи октябр ба ин сӯ марзҳояшро барои бархе аз кишварҳо кушодааст, вале дар ин миён марзҳояш бо Тоҷикистон ҳанӯз бастаанд.
Ҳоло аз Тоҷикистон парвозҳои мустақим танҳо дар масирҳои Душанбе-Истанбул ва Душанбе-Дубай аз ҷониби ширкатҳои ҳавопаймоии «Сомон Эйр», «Turkish Airlines» ва «FlyDubai» сурат мегиранду халос. Ба шаҳрҳои гуногуни Русия аз Душанбе ва Хуҷанд парвозҳои чартерӣ анҷом дода мешавад, ки шартҳои махсусе барои парвоз доранд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Кулли ахбор
Авторизуйтесь, пожалуйста