Як моҳи охир даҳ нафар шаҳрвандони кишвар аз сӯйи Додситонии кул барои ҳамкорӣ "бо ҷинояткорон ва иғвоангезоне, ки дар хориҷи кишвар қарор доранд", дастгир ва ҳабс карда шудаанд. Дар ин бора додситони кули Тоҷикистон Юсуф Раҳмон дар нишасти хабарии ин ниҳод ба хабарнигорон иттилоъ дод.
Ба гуфтаи ӯ "вақтҳои охир ҳуҷумҳои иттилоотӣ аз ҷониби афроди иғвогар ва ҷинояткорони дар хориҷ аз кишварбуда", зиёд шудааст.
“Танҳо дар дохили мамлакат як моҳи охир 10 нафар шаҳрвандони Тоҷикистон, ки дар ҳамкорӣ бо афроди ҷиноятпеша ва иғвоангез қарор доштанд ва маълумотҳои бардурӯғ, иғвоангезӣ бар зидди Ҷумҳурии Тоҷикистон ба онҳо ирсол мекарданд, дастгир ва ҳабс карда шуданд”.
Юсуф Раҳмон, ҳамзамон илова кард, ки "дар оянда низ касе, ки ба манфиати хоинони миллат ва бар зидди манфиати мардуми Тоҷикистон кору фаъолият мебарад, шахсияти онҳо ошкор гардида, ҳатман ба ҷавобгарии ҷиноятӣ кашида мешаванд".
Додситони кул илова кард, ки “ин тоифа мехоҳанд бадбахтии соли 1992-ро ба Тоҷикистон оранд ва нооромиҳоро низ ба вуҷуд оранд. Бо ин роҳ кӯшиш мекунанд, ки мардумро ҷалб кунанд. Вале мо ҳеҷ гоҳ ба ин роҳ намедиҳем. Мо ҳамаи роҳ ва воситаи таъсиррасониро андешида истодаем, ки таъсиррасонии ифротии онҳо ба мафкураи мардум камтар шавад. Касоне, ки бо онҳо дар дохил ва беруни мамлакат ҳамкорӣ доранд, мо онҳоро муайян карда истодаем”, - гуфт ӯ.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Президенти Ӯзбекистон имрӯз ба Душанбе меояд
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Кулли ахбор
Авторизуйтесь, пожалуйста