Бо ҳукми Суди олии Тоҷикистон ду узви гурӯҳи ҷиноятпешаи замони ҷанги шаҳрвандӣ дар ҷумҳурӣ ба муҳлатҳои зиёд равонаи зиндон шуданд.
Маҳкумшудагон - сокинони ноҳияи Нуробод А. Латипов ва М.Нозиршоев узви гурӯҳи Абдулло Раҳимов маъруф бо лақаби “Мулло Абдулло” буданд, хабар медиҳад маркази матбуоти Прокуратураи геералии Тоҷикистон.
“Суди олӣ онҳоро дар содир намудани ҷинотяҳо мутобиқи моддаҳои 110 (Қасдан расонидани зарари вазнин ба саломатӣ), 181 (Ғасби гаравгон) ва 186 (Бандитизм)-и Кодекси ҷиноятии ҶТ гунаҳкор эътироф намуда, ҳар кадомеро ба 19 соли зиндони низомаш сахт маҳкум кард”, - омадааст дар хабар.
Онҳо то соли 2010, замони барҳам додани гурӯҳ аз ҷониби мақомоти ҳифзи ҳуқуқ, узви ин дастаи ҷиноятпеша буданд. Гурӯҳи ҷиноятпешаи “Мулло Абдулло” замони ҷанги шаҳрвандӣ дар қаламрави ноҳияи Нуробод ба амалҳои бадкирдоронаву худсарӣ ва бедодгариву ҷинояткориҳо даст мезад.
“Соли 1999 яке аз занони маҳаллӣ ба Мулло Абдулло шикоят мекунад, ки шавҳараш нисбати ӯ хиёнату бевафоӣ мекунад ва бо дигар зан муносибатҳои маҳрамона дорад”, - қайд мешавад дар маълумоти Прокуратураи генералӣ.
Гуфта мешавад, Мулло Абдулло ба маҳкумшудагон супориш медиҳад, ки “шавҳари хиёнаткорро ҷазо диҳанд”.
“Онҳо мардро гаравгон гирифта, танҳо баъди аз падараш гирифтани маблағи калони пулӣ ва молу амвол ӯро раҳо мекунанд”, - қайд мешавад дар хабар.
Зимнан зикр мегардад, ки пас аз барҳам хӯрдани гурӯҳи Мулло Абдулло онҳо ба Русия рафта, дар ҳамон ҷо пинҳон шуда буданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Кулли ахбор
Авторизуйтесь, пожалуйста