Наздикони афсари милисае, ки аз тири калашников дар бинои ШВДК-и ноҳияи Панҷ кушта шуд, тафтиши қазияро ноодилона хонда, хостори тағйири мақоми тафтишкунандаи қазия шудаанд.
Холиқназар Ҷумъаев амаки афсари кушташуда Меҳроншо Ҷумъаев дар суҳбат бо “Asia-Plus” изҳор кард, ки рӯзи 10 март ба Президенти кишвар, Прокуратураи Генералӣ ва Прокурори вилояти Хатлон муроҷиат карданд, ки парвандаи қазияи бародарзодаашро аз прокуратураи ноҳияи Панҷ гирифта ба истеҳсолоти Прокуратураи Генералӣ ё Прокуратураи вилояти Хатлон диҳанд.
“Мо ҳанӯз 3- юми март, баъд аз вохӯрии нахустин бо прокурори ноҳияи Панҷ ва шинос шудан аз рафти тафтишот дарёфта будем, ки дар ноҳияи Панҷ имкони ба таври холисона, беғаразона ва пурра пеш бурдани тафтишоти қазияи рухдода бар сари бародарзодаам вуҷуд надорад. Бинобар ин, мо 4-уми март фавран ба Прокурори генералӣ муроҷиат карда, бо далелҳои қотеъ дархост намудем, ки парвандаро аз прокуратураи ноҳияи Панҷ гирифта ва ба ягон прокуратураи дигар супоранд”,- мегӯяд амаки марҳум.
Ба гуфти наздикони марҳум баъди шинос шудан бо парвандаи ҷиноӣ дарёфтаанд, ки парванда пурра ва ҳаматарафа тафтиш нашудааст.
“Мо ба Президенти кишвар муҳтарам Эмомалӣ Раҳмон, Прокуратураи Генералӣ ва Прокуратураи вилояти Хатлон бори дигар муроҷиат карда, хоҳиш кардем, ки ба хотири одилонаву беғаразона ба анҷом расонидани тафтишот, парванда аз прокуратураи ноҳияи Панҷ гирифта ба прокуратураи вилояти Хатлон дода шавад. Айни замон танҳо гумонбар дар куштор ҷавобгар шуда истодааст. Дар ин қазия роҳбарияти ШВКД ва масъулини қисми назорати яроқу ивази навбатдорон низ барои роҳ додан ба хунукназарӣ назди қонун бояд ҷавоб бигӯянд. Баъдан бандубасти парванда бояд аз рӯи модаи 104 (куштор) оғоз мешуду тафтишот мешуд. Мутаасифона тафтишот онро бар асоси моддаи 108 қисми 2 (куштор аз беэҳтиётӣ) оғоз кардаанд. Хулосаи ду ташхиси гуногун нишон додааст, ки ҳодисаи парондан тасодуфӣ набуда, махсус мошаи автомат зер карда шудааст.”,-изҳор кард Х.Ҷумъаев.
Холиқназар Ҷумъаев дар идомаи суҳбаташ илова кард, ки аз Президенти кишвар хоҳиш кардаанд, ки дастур бидиҳанд парванда аз прокуратураи ноҳияи Панҷ гирифта ба прокуратураи вилояти Хатлон ё Прокуратураи Генералӣ дода шавад то хунукназарии роҳбарияти ШВКД беғаразона ва одилона санҷида баромада шавад.
Норизоятии наздикони афсари пулиси кушташуда дар ҳолест, ки мақомоти зидахл дар ин бора ба расонаҳо чизе намегӯянд. Дар ҳамин ҳол “Азия-Плюс” хост назари прокурори ноҳияи Панҷ Абдулфайз Холиқзодаро дар ин маврид бипурсад, аммо ӯ дар як сӯҳбати кӯтоҳи телефонӣ гуфт баъдтар тамос мегирам. Мутаасифона давоми рӯз тамосҳои мукаррари мо бепосух монданд.
Бояд гуфт, ки афсари милиса, лейтенанти калон Меҳроншоҳ Ҷумъаев, ки ба ҳайси нозири минтақавӣ дар ҷамоати деҳоти Кабут Сайфиддинови ноҳияи Панҷ хидмат мекард, соати 4-и субҳи 7 феврал аз тири старшинаи милитсия Амирзода Насим Абдукарим ҳангоми иҷрои вазифаи хизматӣ, дар ҷойи кор, яъне дар дохили бинои ШВКД Панҷ кушта шуд. Старшинаи милитсия Амирзода Насим Абдукарим ба сӯи марҳӯм ду тир парронд, ки яке ба Меҳроншоҳ бархӯрда, ӯро дар ҷойи ҳодиса кушт ва тири дигар хато рафта, ба шифт бархӯрд.
Прокуратураи ноҳияи Панҷ нисбати Амирзода Насим Абдукарим, старшинаи милитсия бо моддаи 108 қисми 2 (куштор аз беэҳтиётӣ) парванда боз кардаааст, ки акнун гуфта пешавад тафтиши он ба поён расидааст.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста